05-05-2012, 04:30 PM
|
المشاركة الأصلية كتبت بواسطة مليت!
جعل ربي يسخر لك ويسعدك
ريحتيني ربي يريح قلبك أنا حقيقة صرت مااعرف اتصرف صرت أخاف من أي كلمة أقولها لو بسيطة تسبب ضرر ماأبي بكرة الوم نفسي على أي تصرف تجي من الله زي ماتجي بس ماأبي أي خطأ مني مافي انسان ما يخطئ وأريح شيء أن تجعلي الشرع هو حكمك بأي قرار أو تصرف . وما ادم تصرفي ما يلومني عليه ربي فما ألوم نفسي ولا أتضايق من لوم غيري لأنه لومهم غير منطقي . عشان كذا أحس أحتاج لرأيكم عشان أطلع من الدائرة اللي أنا فيها طيب فيه كلمات دايم يرددها وأحتار بأيش أرد وحقيقة أنفعل منها - لمن يجي ينبهني بشغلة سبق ونبهني عنها فهو يبتر كلامه ويقول بالطقاق وشو له احرق دمي! - الواحد يفهم من مره وحده كم مرة كررت كلامي! - انتي انتبهي للشغالة وبيتك وعيالك مو بس حاطه عينك علي! - ينبه عن شي ..اي شي ويجي يقول ويردد :أنا أفهم أفهم أفهم ماينلعب علي! بس أمشيها بمزاجي!...( وهو والله من جنبها!) - لمن ينتقد نظافة البيت وترتيبي بهوس مع إنه نظيف ومرتب هالشي يخليني أحقد عليه كأنه يبي يهلك صحتي ونفسيتي بالكرف والنقد! هو جاوبك بنفسه على تصرفاته كلها ... يبغى يشغلك عن تقصيره بالنقد والشغل والكرف والتعب النفسي .. يبغى يشغل عينك اللي حاطتها عليه ورايحه تكشفيه - فيه موضوع حارق دمي الفترة الأخيرة يعني وضع زوجي الآن أستقر ومفكر يتقاعد وبدينا نأثث بيتنا الجديد بس اللي حرق قلبي محسسني ماعندي ذوق ابدا ويحاول يستعين بمصممات ومن كثر مادعيت اي وحده يتفق معها يتكنسل شغلها معنا فصار يعتمد على قروب من رجل صديق له ومعه قريباته لهم في التصميم الحاصل اي خطوة يخطيها يأخذ رايهم ويردد حنا مانفهم بالاخير لاحظت اغلب رايهم نفس رأيي يعني بقول موقف/ رحت وياه ننتقي سجاد لغرفة الضيوف واصر على سجاد أرض معين سبق وحطيناه قبل كم سنة! و طول ماكنت أمشي معه كنت أقول حرام تكرر نفس الشي فيه أشكال جديدة والوان حلوة والا مصر إن غرف الطعام لازم يكون لون فرشها أحمر! والدليل المطاعم! حاولت بالاخير قلت زي ماتبي وشراه وتكلف بذيك القيمة بالأخير لمن جاء صاحبة رشح نفس اللون اللي كنت أقول!..لمن ضحكت قال ايه أعطاك ربي على قدر نيتك! اللي يحزني إني أتمنى أأثث بيتي عندي ذوق حلو ورغبة في التنسيق وزي اي حرمة أحلم أضبط بيتي بذوقي واللي خلاني أحزن زيادة أن أي شي كنت أقوله يجي الرجال يقول مثله! فلاحظ زوجي تشابه أفكاري مع قروب المصممين اللي شايفهم شي وأنا مسلمة له الأمور وبكيفه وأحاول أحط نفسي مبسوطة بس لازم ولابد يكرر على مسمعي شبه يومي إن ذوقنا عادي ووش فهمنا وانتي مشاويرك لناس معينة وش يعرفك بالموضة! آسفة ع الإطالة بس حتى تفهموا الموقف زين... كمان لمن يكلمني لمن ارد عليه دايماً يسكتني ويقول خليني أكمل ويستمر يتكلم نصف ساعة أنسى فيها أم السالفة وياليت على كذا تعابير وجهه لمن يسكتني ولمن يتكلم مافيها مرونة يعني اللي يشوفه من بعيد يقول قاعد يلعن خيرها! ولمن أجي أوضح وجهة نظري أو بقوله سالفة يقاطعني ويسترسل ويرجع نفس الموال اللي فوق يعني لغة الحوار فاشلة كيف أتعامل مع هالموقف؟ من زماااااااان لغيته الحوار من قاموسي ... ما اناقش أبببدا .. ممكن لما امل من تكراره للموضوع احاول أحول مسار الموضوع أو أشغل شي يلتهي فيه عني أو عن الولد حتى يسكت . لكن لما يكون ببالي موضوع معين ولازم أوصل له رأيي فأعتمد الأسلوب غير المباشر ... ممكن مثال بطريقة قصة أو موقف صار مع احد نعرفه .... ممكن أطلبه يروح يمين عشان يروح يسار ... ممكن أطلب من احد أعرفه يسمع له مثل أخته أو أخوه أو الأولاد ... ولاحظت انه طلبات الأولاد لما اطلبها أنا تنرفض بينما غالبا يوافق عليها إذا هم اللي طلبوا القائمة تطول بس ماراح أطول أكثر من كذا إذا اي أحد عنده لو نقطة بسيطة ممكن تساعدني لايحرمني منها.. أحس كني متزوجة من كم شهر ماأعرف كيف أتعامل مع زوجي هههههههه |
... المهم اني زرعت بذرتي بداخل عقله الباطن .. 
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري