انا كرجل احب اجيب الشئ بإقتناع وبرغبة مني

اسلوب الضغط والزعل يا تجيبه يا ما اكلمك يا تجيب اللي ابيه يا ماراح اسوي

اذكر زوجتي كانت تبي غسالة اتوماتيك ونشافة

قلت : وش فيها الغسالة القديمة

قالت : قديمة وغير كذا متعبه و و و و و

قلت : ماله داعي قايمة بالواجب وتطلع الملابس نظيفة

قالت : انت ما تبي راحتي انت تبيني اتعب وانت تبي وتبي

قلت : مو كل ما نبيه نشتريه

سوت اضراب عن غسيل الملابس <<< شوفوا الكيد ولي الذراع مافيه ثوب اطلع فيه والملابس الداخليه صارت قمة افرست

ولدي صار يركض ويقفز فوق الملابس واحياننا يتخبى جوا سلة الغسيل وساعة ندورة ما نحصله

صرت اشيل ملابسي اوديها لأمي تغسلها واخذها والعذر الغسالة خاربانه وكل واحد يغسل ملابسه عند اهله

الى ما رضخت المدام ورجعت تغسل الملابس بعد شهر

اشتريت لها غسالة افضل من الغسالة اللي كانت تبيها 100 مرة بس لوي الذراع ما احبة