السلام عليكم ورحمة الله وبركاته
اللي يعرفون مشكلتي مع زوجي ... دخلت ابني وسيط بيننا لان صار لنا شهر مايكلمني ويطلب حاجاته من بنتي بس ... واغلب اكله في بيت اخوه الكبير ( الله يشغله بنفسه ) . المهم ولدي كلمه قاله ان اللي يسويه فيني مايصير وان امي ماغلطت . الخ ....
فزوجي قال له : خلاص انا غلطان بكيفي . وبيني وبينك كرجل انا ابي اتزوج .. علما ان ولدي اذا راح مع ابوه احيانا لمجلس عمه يسمعهم يحثونه على الزواج بصوت واطي وانه غني وقادر وش يمنعه . ويحمسونه للزواج من عائله معينه . الحين انا عرفت سر المشاكل اللي يسويها . يسبب مشكله عشان يقنع نفسه ان حياته كلها مشاكل
مرييييض ..
المهم انا البارحه تكلمت معه وعاتبته في البدايه ما تقبل مني كلام وقال روحي بس نامي بس لما شافني تعبت وصرت ابكي بحرقه . ان ليش حياتنا صارت كذا وان قلي بس وش غلطتي ؟
قال هو : انتي مالك ذنب بشي . بس انا رجل اخذت موقف من اهلك . ولو احد غيري كان تزوج وحده ثانيه وبدا حياه جديده بس انا مافكرت اتزوج ابدا .
طبعا انا ماعلمته بالكلام اللي قاله لي ولدي . انصدمت منه مدري كلامه لولدي هو الصح والا تحسف وهون عن الزواج . والا عنده نيه مخفيها حاليا . والله مدري وش اسوي . الحين هو صار يتكلم معي عادي
مو مثل قبل بس احسن شوي . وانا محتاره ارجع افتح له المواضيع والا اقفل على السالفه كأن ماوصلني شي