ساعدوني برايكم
السلام عليكم ورحمة الله وبركاته
اببدأ بمشكلتي وياليت تساعدوني
بعد اربع شهور زواجي اختار خطيبي الشقه بالحي اللي اخترناه وعجبتني انا ماشفتها لكن على وصفه انها نفس المواصفات اللي بغيتها والحمدلله تطمنت من هالموضوع
كلمني بعدها بيومين قال انه غير الشق واختار الشقه اللي انا رفضتها من البداية وهو بعد كان رافضها خير شر وقدرت اسحب منه الكلام وعرفت ان فيه كم شخص بالعيله هم اللي خلوه يغير رايه
وانا زعلت ليش يغير رايه المشكله كان يقولي لو اسكن بالشارع ما اسكن بالشقه هذي لكن الموضوع انعكس فوق تحت طبعا انا سويت مشكله معاه وتهاوشت انا وخطيبي لكن اخرتها رضيت بالامر الواقع والحين يريدني اختار اثاث الشقه على ذوقي لكني رفضت وقلت له اللي غير رايك عن الشقه خله يكمل معروفه ويختار الاثاث
اهلي هاوشوني قالو انتي راعيه مشاكل اقصري الشر ولاتصيرين ضده وهو بعد خطيبي احسه تضايق مني
لكن اقنعوني ياناس كيف اختار اثاث لشقه انا لحد الحين مو متقبلتها ؟؟؟؟
__________________
سبحان الله وبحمده
سبحان الله العظيم
16-03-2012, 02:08 AM
ضوابط المشاركة
العرض الشجري