السلام عليكم ,,
اختي الكريمه , النظرة الشرعيه لو مافيها خير كان الاسلام منعها من الاساس , واهم شي ولي امرك يكون مقتنع مو ضروري كل اخوانك , واذا اخوانك مو متزوجين قوليلهم كيف يرضى الواحد منهم يتزوج بنت ماشافها ؟؟؟؟
وبعدين اذا الخاطب وقت النظره راح يكون مستحي ومحتاس ويالله يلمح البنت , وحتى لو ماحصل نصيب وطلع ماعنده حيا ولا دين وحب يتكلم عن البنت ايش بيقول يعني ؟؟ شفت فلانه ,,, وخير يا طير , يعني ماراح يقدر يقول شي يعيبك وهذا اصلا لو ما تهزء من اللي بيقوله عن البنت .
فكلام اخوانك مجرد حماس وغيرة زايده ربي يحفظهم , واذا حبيتي تقنعيهم حاولي تناقشي اسهل واحد منهم واقنعيه لحاله وبعدين كلموا الثاني , مو تكلميهم مع بعض .
ابذلي كل جهدك لان في حال تزوجتي شخص ولا اعجبه شكلك لا قدر الله انت اكبر الخسرانين ولا احد بينفعك . وحالات الطلاق صارت اكثر من الزواج .
وبعدين موكل من هب ودب راح يجي يشوفك , اذا سالتوا عنه وطلع ابن حلال وقتها يجي , المسأله مو سياره واقفه في معرض لكل من حب يشوفها .
ربي يكتب لك الخير والمسلمين جميع,,