حبيبتي لا تصدري حكم وانتي ماتدرين ... بصراحه اسمعي مني ..
انا زوجي بهذلللني لين قلت بس وبجد مقهوووره بمعنى الكلمه وكل يوم وانا اطلب الطلاق
وهوه يرفض بجحة انا احبك ومااستغني عنك ..
المهم كل يوم واحنا بمشكله بسبب اصحابه صار يشرب ويضربني ويبهذلني وبصراحه طفشت
مامنها فايده ... وقلت خليه ينقلع انا عند اهلي مو ناقصني شي وبعدها بطل شراب مع اصحابه وبطل يضرب وبطل يتكلم
ربك فوق.. المهم كلمت واحد على المسن ماادري مين هوه .. وانا كتبت موضوعي هذا اول
وشاف المحادثه وتخاصمنا مع انها كانت جدا تاااااافه المحادثه
وقلت انت السبب انت مقصر وانت وانت وانت ... << طلعت كل اللي قلبي محروق منه
والحمدلله اليوم امس تصالحنا واخذني في فندق نغير جو وجلسنا اكثر من يوم وتعشينا برا
وجدا وجدا اسلوبه متغير 180 درجه صار مررررره كويس الله يجعله دايم
ودحين عيال خالته راحوا الشرقيه وقال ابغى اروح الربوع الجاي قلت بكيفك ماابغى احرمك
ومن نفسه قال والله مااسوي شي غلط يزعلك ومن نفسه برضو قال زجهي شنطتك يوم الربوع
تروحين معايه قلت مو تبغى اصحابك قال ايوة بتمشى معاهم 5 او 6 ايام وطبعا بجي اجلس معاكم
يعني عند اخويه لانه بيحطني عند اخويه قت طيب وبعدين قال بعدها اسبوع كامل لك وحدك
امشيك حتى تنبسطي مع اني مااحب الشرقيه بس جات منه وقلت اروح
وبنفس الوقت قلت ماابغاك تروح البحرين والخارج قال خذي بطاقتي وجواز السفر وخلي معايه
الرخصه تكفيني ووافقت والحمدلله .. نصيحتي بعد ماطولت عليك
خليك جدا طيبه معاه وربي راح يتغير وانا اقولها من تجربه وربي يهدي ازواجنا ويصلحهم
__________________
لاتـــغــركــ <> الـضـحـكــــ..هــ 
تـــرىــ كــــلــيــ أحــــزانـ
10-03-2012, 06:34 PM
ضوابط المشاركة
العرض الشجري