( البنت جايتها بعثة الى امريكا ) وبتروح تكمل دراستها.. بحاجة لأتخاذ القرار
بسم الله الرحمن الرحيم ..
اتمنى للجميع ايام سعيدة وحية مفعمه بالامل والتفائل والخيرات ,,
بقول اللي عندي على طول :
سبق قلت لكم موضوع وقرار الزواج اللي انا محتار فيه واني كنت بروح اشوف البنت الشوفه الشرعيه , المهم انه تم تأجيل الشوفه الشرعيه اكثر من مرة من طرف اهل البنت بحكم انه يقولون عندنا ظروف هالفتره ..!!
راحت الايام واتصلت امي الله يحفظها عشان تأخذ موعد جديد , وكان ردهم مفاجئ و غريب قالوا :
( حنا صرفنا التفكير بموضوع الزواج , هذا كلام أم البنت ...!!! ) , انتهى الموضع على كذا رغم اني مستخير اكثر من مرة وكنت مرتاح تقريبا , المهم بعد 48 ساعه اي يومين بالضبط اتصلت أم البنت على امي ووقالت انا حبيت اعطيك السالفه كامله ؟؟
( البنت جايتها بعثة الى امريكا ) وبتروح تكمل دراستها وكنا محتارين من قرار الموافقه هل يجيها او لا من الوزارة واليوم ( اي بعد يومين من كلامها ) ( وبنفس اليوم اللي جاهم قرار الموافقه من الوزارة ) قالت حبيت اعطيكم خبر .
اذا الولد بيخليها تكمل دراستها ويروح معاها يجي يشوفها , واذا هو معارض انها تسافر براء لا يجي يشوفها.
أنا واعوذ بالله من هالكلمة مو ضد دراستها حتى لو كانت في ( سيبيريا ) بالعكس انا مع العلم وضد الوقوف بمرحلة معينه , حتى أنا مو واقف على وظيفتي اللي انا فيها رغم ان راتبي حلو و وظيفتي محترمه , لكن القرار الان انا محتار فيه
الوالد يقولي روح شوف البنت وبعدها قرر ياتتزوجها وتروح معاها وتكمل دراستها وانت بعد تكمل دراستك , او ترفضها وانتهت السالفه .
انا اللي متضايق منه كيف يقولون صرفنا نظر , وبعدها يقولون كذا ..!!! انا مو ( اسبير ) او ( فكة زنقه )
هذي حياتي وهذا مصيري , ارجع اوضح لكم حتى لو هي مو مبتعثة وتبي تكمل دراستها انا ماعندي مشكله حتى لو توظفت بالعكس انا مع استقلالية المرأة ذاتيا , لكن هذا لا يعني الغاء رجولتي و كرامتي , هناك خطوط حمراء لكل واحد منا لابد ان لايخطو خطوه بقربها .
شاركوني رايكم بكل أمانه انتظر ردكم وتفاعلكم
التعديل الأخير تم بواسطة شذى 1404 ; 24-02-2012 الساعة 10:11 AM
السبب: تعديل العنوان