اختي الشيطان يقلك الحين اقطعي ابوك هو اهانك قدام زوجك وزوجك فرحان فيك هذا مو كلامي هذا وسوسة ابليس تريحك الحين بس تندمك بعدين
افرضي زوجك ابوه او امه ضربته قدامك وش بتسوي رح تقولي له اقطعهم لاتكلمهم عيب من جد انا لو ابو زوجي يضرب زوجي قدامي عشر كفوف مو كف قلت له هذا ابوك عادي ياما انضربنا ولو اني بتالم لزوجي بس رح اخليه ينسى
انتي الحين تروحي لابوك مع زوجك وتبوسي راسه وتقولي حقك علي يالغالي صدقيني كذا تدحري الشيطان وترفعي راس ابوك وتكبري بعين زوجك لانك اصيله ماتتخلى عن اهلها مهما صار بس لو استمريتي بقطيعتك لابوك وفي يوم تزاعلتي مع زوجك بيقول لك هذا انتي حتى اهلك ماتبينهم ولايبوك وقتها رح تفهمي معنى كلامي لاتتبعي هواك هالمره وسوي اللي اقلك عليه والله مارح تندمي بس ضروري انك تكلمي امك قبل تلين راس ابوك عشان مايفشلك قدام زوجك ثانيومايقبل اعتذار يعني ماتروحي تعتدذري لابوك الا وانتي عارفه انه رح يرضى عليك فهمتي
واتركي عنك تعقيد المواضيع كيف ماترجعي مع زوجك عشانه ماغير غرفة النوم وش بتفيدك غرفة النوم وزوجك مهموم ومديون وكاره الليوم اللي شافك فيه وصدقيني ابوك من الكف يبغى يعلمك حافضي على زوجك ولاتناكديه ولاتعقدي الامور زوجك هو جنتك ونارك لا تسكري الدنيا كلها بوجهك دامك عارفه ابوك شديد سددي وقاربي وبكره فرج ان شاء الله