السلام عليكم ورحمة الله وبركاته

الحمد الله أنا أحب وخطيبتي وهي تحبني أكثر وأكثر لكن المشكلة أنها ترفض المكالمات وتقول يكفي برنامج المراسلات بيننا لأن المكالمات تسبب المشاكل ... يعني بعد عدة محاولات تصل إلى أن اتصالي يكون مره كل ثلاثة أسابيع وهي ترفض لخوفها من المشاكل على حد قولها .. وبالعكس يوميا تراسلني وتسأل عني وترسلي رسائل حب وغرام ويوميا مراسلات لكن أنا أحب المكالمات و أحب أن أسمع صوتها أقل شيء مرتين بالاسبوع هل رأيها صحيح أم خاطئ علما بأن الزواج راح يتأخر تقريبا بعد سنة بإذن الله ...

المشكلة الثانية : آخر زيارة زرتها فقط مسكت كفها وضميته وبقينا نسولف فترة طويلة .. بس بعد ما طلعت من عندها ارسلتلي تقول حبي ترى آخر مره أسمحلك تلمس كفي فقط عشان مانتعدى حدودنا.. بعد الزواج سو اللي تبيه ..
طبعا أرسلتلها قلت طيب باقي أبي ضم وبوسات بس من هالحركات فرفضت مرررة تقول لا .. ومستحيل أخون أهلي أنا متربية تربيه زينه .. قلتلها أنا زوجك قالت ولو أنا باقي عند أهلي تعتبر خيانة لأهلي .. قلت طيب طيب أقل شيء إجلسي حولي مو بعيده عني قالت لا إعذني .. أخاف يحصل شيء بيننا .. تقول أمسك كفي بس إذا سلمت عليك بس ..

أولا: فهل كلامها صحيح إن الحركات هذي تعتبر خيانة لثقة أهلها فيها ؟

ثانيا : أنا زوجها شرعا ومستحيل أتعدى حدودي معاها.. فقط أبي بوسات وضم لا أقل ولا أكثر فهل من حقي أن أجبرها على ذلك ؟

معلومة : أنا عاقد عليها منذ أكثر من 6 أشهر تقريبا .

أرجوا منكم مساعدتي وجزاكم الله خير ...