خطيبي مايعجبني اسلوبه و اللي احبه خطب
السلام عليكم ورحمة الله وبركاته
اتمنى من اعضاء المنتدى يفيدوني ويتطلعوني من اللي انا فيه تكفون لاتكونون ضدي وارفقوا بحالي ..
انا عمري 28 سنه حبيت لي واحد من 8 سنوات حبيته وحبني لدرجة الجنون ماشوف في هالدنيا غيره حتى نفسي مااشوفها وحبنا كان على نية الزواج كنت معاه قبل من يوم دراسته وتخرج وماكنت راضيه يشتغل بمكان مختلط وترك شهادته وقدم بشهادة الثانوي وتوظف باحد الشركات الكبيره في المنطقه كان كل كلامنا عن مستقبلنا وحياتنا وعيالنا حتى الشقه انا صممتها وسواها وصورها لي يعني عشت 8 سنين كنها فترة خطوبه قبل سنتين يمكن قال يبي يخطبني بس قمنا نفكر بالطريقه اللي يتقدم لي فيها بدون محد يدري من اهله ولا اهلي اخذ ايميل اخوي وضافه بس شكل اخوي كلمه مره وعطاه حظر عطاني رقم اخته وايميلها ونفس الشي ماقدرت اتوصل اخر شي عرفني على زوجة صاحبه وتعرفت عليها وقابلتها ورحت لها البيت وعرفتها امي واهلي وراح قال لاهله عني اني صديقتها بس ارفضوا وحاول كم مره ونفس الشي رفضوا والسنه اللي راحت وتحديدا شهر 7 تركني بدون سبب واعرف ليه حسيت بالموت بعدها بكم شهر انخطبت ورحت ارسلت له قلت انا انخطبت وانا صادقه ولااكذب وبعدها رجع لي ورد علي وقال انه يبيني وكلم امه ورفضت وقالي خلاص وافقي وافقت وانا مغصوبه وملكت وانا مغصوبه ولافرحت ابد وقبل الملكه كان يكلمني كل يوم وكنا نبكي انا معاه قلتله خلاص خلينا نعش لبعض قال لا ماراح ادوم لك المهم انا ملكت وزوجي طيب بس الفرق بيني وبينه عشر سنوات مااحس اني مقتنعه فيه مو قادره اتقبله انا للحين عايشه بحلمي مو قادره اصحى منه بيوم وليله صرت انسانه كئيبه من انخطبت وعلى طول ابكي والى اليوم صرت اشوف الدنيا سودا واليوم ارسل لي اللي احبه انه خطب وهذي المره الثالثه بشهر واحد انا حسيت بالموت لاني افكر اني انفصل لاني مو مرتاحه ولامبسوطه ماحسيت بفرحة اي بنت بالزواج ولافترة الخطوبه خطيبي مايعجبني اسلوبه مايعرف كيف يتكلم مع البنت مايتودد لي ولايتقرب مني كل مكالمته اسئله وانا الله اني احاول واحاول اني اتقبله واعوض غياب اللي احبه فيه بس ماقدرت ... وياناس احس اني ماستاهله احس نفسي رخيصه لاني ارخصت بنفسي للي احبه وهو ولااهتم راح وخطب بدال المره ثلاث ويبي ينساني من جد استحقر نفسي مع اني انسانه مو سيئه ابد ماترك صلاتي وصلاة الضحى والليل مواظبه عليها واقرا القران كل يوم بس برضو اظل بعيني احقر انسانه ورخيصه ..
الله يخليييكم ساعدوني اطلع من اللي انا فيه والله والله تعبت لي 6 شهور دمعتي ماوقفت اشوف الدنيا سودا ابي ارجع مثل قبل اشتقت لنفسي اشتقت لضحكي وسوالفي صرت انسانه حزينه والكل يقولي شفيك مو مبسوطه؟!
اسفه كلامي مو مرتب بس اكتب وانا ابكي وطولت عليكم بس وربي يشهد علي ابي حل
التعديل الأخير تم بواسطة شذى 1404 ; 25-01-2012 الساعة 03:55 PM
السبب: تعديل العنوان
25-01-2012, 04:26 AM
ضوابط المشاركة
العرض الشجري