السلام عليكم
يارب تكونون بخير وعافيه
ندخل عالموضوع
باذن الله ملكتي قرررررريب وينقصني معلومات كثيرة وش اجهز ووش اسوي مع خطيبتي وحكي كثير
المهم ابي رايكم في بعض الامور واريد مساعدتكم الله لايحرمني منكم
انا الان بشتري لها هديه جوال ياايفون او جلكسي اس 2 محتار بينهم>>ساعدوني فيها
اذا اخذت احد الجوالين آخذ ابيض والا اسود وش اللي يناسب البنت >>>برضوا ساعدوني وخصوصاً البنات رأيكم يهمني
طبعاً هذي الهديه هل ازيد عليها شي او كفايه ؟
ووش اللي يكون حلو مع الهديه ؟
أ أ أ أ أ خطيبتي شفتها وقت النظره الشرعيه وكانت المده دقيقه او اقل واني الان ناسي شكلها هههههه
واللي ابيه ان وقت الملكه راح اجلس معها يمكن 20 دقيقه تزيد او تنقص المشكله ان البنت خجوووله وماتتكلم من كثر ماسمعت عنها
وانا بصراحه ودي اطول بالجلسه معها يعني بعد كيفك وش اخبارك. وش اسولف لها؟؟ ودي افتح سالفه معها عشان اطول معها ولو 20 دقيقه رضيييييت
امممممم وش اقلها كلمات حلوة امدحها ولها وقعه وأثر في النفس ؟
كثرت عليكم
ملاحظه هامه انا انسان ماقد تعرفت على بنت وماعندي علاقات آبد يعني ماني عاااااااارف شي في هذي الامور ولا اعرف اتكلم مع بنات ابدأ الا اخواتي وعماتي وخالاتي
بانتظاركم
آخر سؤال ابي اجابه كافيه عنه
اسال الله ان يسعدكم
وان يجعلكم من اهل الفردوس الاعلى من الجنه
وان يرضى عنكم ويرزقكم ماتتمنون