10-12-2011, 06:06 PM
|
المشاركة الأصلية كتبت بواسطة رجل الرجال
التحليل:
الوالدة حفظها الله تعيش ردة فعل أو نتيجة ضغوط قديمة بسبب أشخاص لا تستطيع الرد عليهم فتقوم بما يسمى بجلد الذات وهو أنها تأمن من ردة فعل نفسها تجاه نفسها فتعاقب نفسها بدلاً من الآخرين حيث يظهر إنها تربت في بيت حازم وكتم لم يجعلها تفرض رأيها وتأخذ حقها ثم تابع ذلك زوج كاتم كما اتوقع مما رسخ عندها مفهوم الصمت مع القهر والتوتر فترجع على نفسها. النصيحة : لعلك تخرجين مما في نفسها ( العقل الباطن ) واسحبيه منها بالسواليف معها لتتحدث عما في نفسها (زي ما سوينا معك واتقنتي التفاعل وشفتي النتيجة حتى صححتي لنفسك) وبفكرة بسيطة أنك تحبين أن تكتبي تاريخ حياتك وتبدئين بما حصل لوالدتك واسمعي منها وسجلي على هيئة نقاط وجهزي أسئلة وابدئي بالسحب من طفولتها. سترين أنها تحب هذه الطريقة فأنتي تفرمتينها وتحذفين من عقلها ملفات متراكمة سنوات طويلة. بعد جلسات السحب ولا تتحدثي معها بلغة القيّم عليها والمتحكم بما يجب أن تفعل فهذه الشخحصية لا ترتاح لها لأنها تذكرها بالسابق . بعد التطبيق نتابع بإذن الله: |
) بما معناه بمجتمعنا انه حفله ونادت الكل تقول ماما امها اول وحده تحتفل بطلاقها بمجتمع شديد بس تقول كانت تبي تقهر زوجها لما يسمعوحكتنا وعن انتقالها مع بايتي الي مدينة ثانيه بعد زواجها وبعد ماولدت اخواني الكبار رجعت ثاني لمدينتنا ترا هي كانت الحازمة والغاضبه وبابا الكتوم و الصبور يعني ماكانت تخفي شيء بنفسها شخصيتها قويه وبعد موت بابا هي صارت رجال وسيدة البيت كل شيء هي تسويه مقاضي البيت ووكل شيء هي تجيبه مع السواق وكان دايم يومها مشغول كانت طباخه ماهرة هوايتها الطبخ تسوي وترسل للاقارب والجيران و بيت اخواني طبعا وتسوي عزايم وسفر ولها كم أكله مشهورة فيها محد يضبطها غيرها وكانت اجتماعية ماتقصر في احد ع قولتهم راعية واجب ماتسمع بمريض الاتزورة واي اجب ثاني وكانت لها كلمة مسموعة من الكل الا لما بدا المرض يلعب فيها وصارت مقعدة اتغيرت شخصيتها طبعا بس مازالت عنييده ماقابلت بحياتي احد بعنادها غيري اممم هو صح طبيعي انها تتغير يعني سارت ماتقدر تعتمد على نفسها بولا شيء يعني من ايش لاايش بالبدايه كتبوا لها حبوب اكتئاب كانت تأخذها ماتدري حبوب ايش وكانت نفسيتها حلوة تضحك وماكأنه صار شيء بس بعدين رفضت كل انواع الحبوب ترميها من فمها وتصرخ علينا (نظام خذوهم بالصوت) اما بالمستششفى طبعا ماتقول للمرضه شيء تحطها بفمها واول ماتطلع ترميها بالبداية كانت حساسه جدا من ناحية احد يساعدها بس ماكانت تبين بس اول ماتكون لوحدها تبكي اممم انا احس ماما مشكلتها احساسها بالعجزواحساسها انو خلاص محد يبغاها بس فصارت الحين كل فترة تكلمني عن اذا ماتت لازم اتصبر وهالكلام فيكون ردي لها قبري جنب قبرك فتصير تضحك وتقول والله انك دروويشه ناقصة عقل امم ودايم تقول ايش تبغوا فيني مامني فايده ماوراي غير التعب طبعا كل المسؤليات الي كانت مسؤله عنها الحين ولاشيء مسؤله عنه او تسال عنه اقلها ميزانية البيت ولاشيء وبرضوا في شيء ثاني احنا غلطانين فيه ماعمرنا سألناها عن ايش نجيب او ايش نسوي احنا كانت نيتنا انوا مانبغى نتعبها ونشغل بالها وانوا تقدر تعتمد علينا بس الحين بدأت افهم ان هالشيء كسرها كان لازم نحسسها بقيمتها وان الرأي رأيها واحنا ادوات هي تحركها بس القصد مانشغل بالها اممم ايوا حاولت اتكلم معاها واسألها تقولي اسكتي بلا دوخ صدعتي لي رأسي انا ماادرس بنفس المدينة لان مافيها التخصص الي انا ابغاها فااضطريت اسافر والحين اشوفها ويك اند ايوا وويك اند لا بس وفي شيء ثاني عنها اتمنى تقدر تفسره !هي تجلس لوحدها مره كثير تقريبا طول اليوم بدأت الاحظ عليها انها تفكر كثير ومندمجه للآخر وكأنها بفلم جالسه تابعه مندمجه مره واحيان اطالع فيها احسها كأنها تكلم نفسها بس من داخلها افهمت شيء من خرابيطي؟؟ ااممم وي شي اسألها عنه تقولي بلا درووشه وبلا دوخ ايوا اتذكؤت شيء فجاءه وهي تفكر تقول سالفه قديمة مو كويسه بي مدري ايش هي ع طول اخواتي يسكتوها ويقولوا لها لاتعطي الشيطان هواكي ياامي وتفكري بهالاشياء اقولك مثال من الي تفكر فيه تقول يوم عزاء ابوك وتذكر اخواتي بفلانه وعلانه تقولهم جات وهي تتشمت قالت لي والله يموت ولايتزوج عليك ولا فلانه الي قالت بناتك مو اول بنات يموت ابوهم عندهم ام في ناس ماعندهم ام ولااب ههههههههههه وتتذكر هالمواقف الي هي عمرها ماقالتها او تكلمت فيها واغلب المواقف السيئه الي صارت لها مع الناس ومافكرت فيها اول الحين تفكر مره شيء عجيييبعندك كلام زي الناس قوليه ماعندك روحي عني واتقول البنات جالسين لي ع الاكل مايبغوني اكل الأكل الي احبه ويشيلوا الشيء من قدامي ىتروح خالتي تقولها لالالا ياحبيبتي ياحبيبتي وماتدخل عليها الا بالحلى وتحطه جنبها وانه لماما لوحده نحاول نفهمها نقولها ياخالتي انتي تضريها تقول مادام متوكله ع ربي وتقول بسم الله الذي لايضر مع اسمه شيء وتأكل حلبه مو صاير لها شيء ان شاء الله تسكت وتسكت وبعدين تستهزيء فيني تقوول يالله بالله لما تقومي لصلاة الفجر اول بعدين تعالي تكلمي
|
المشاركة الأصلية كتبت بواسطة رجل الرجال
ابنتي الكريمة :
لديك مؤهلات لتقييم نفسك ومن حولك جيدة وقدرة على التفاعل بروح مرحة وهذا يشجع على التقدم معي هنا بإذن الله. التحليل: كما سبق أن ذكرت لك تم تغييبك عن قيادة نفسك بنفسك بالتدليل وتهيئة أمورك واتخاذ القرارات عنك ولما كبرتي وأعطيت لك القيادة لم تجدي خلفية تساعد على القيادة السليمة فصرتي تقودين نفسك ( بطريقة عليمي توه يتعلم السواقه ومرة تضبط ومره لا ) وسواقتك أزعجت اللي يسوقون حولك صح وتريدين منهم الاستمتاع معك بقيادتك. الآن سنبدأ باستخراج ما في ذاكرتك على شكل نقاط محددة فأكتبي هنا سلبيات تربيتك عليك الآن وما يجب أن يتغير منك لتتقني قيادة نفسك. ومن ثم نتابع. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري