الحب باخرى قبل الزواج بزوجتك هل يوثر في العطاء للزوجه
بسم الله الرحمن الرحيم
السلام عليكم
موضوعي واضح من عنوانه الشاب ادا تعرض لحالات الحب قبل الزواج وتكررت لديه اكثر من
مره هل توثر في حياته الزوجيه ..
مثلا مايحب يبين مشااعره للزوجه .. يقلل من الحب والكلام .. تصرفاته تسير جافه ..
يعني يسير خلاص قد ماعطى من قبل وانجرح بالحب .. سار الحب لديه شي عادي
لان من جد انا تعبببتت حيل .. اول حب ليا بحياتي كلها كان زوجي احبه لدرجه احياانا
اقول في نفسي يابنت اعقلي الرجال موب حولك عندي مشاعر بقلبي له كبيره على
انه عصبي ويرمي كلام قاسي وقت مايعصب وانجرحح لحضتهاا ماقعد اكثر من يوم الا وخلاص انسى ينسيني كلامه وقسوته ليا حبه احبه حييل
بس ماشوف فيه الحب حتى مشاعره معاي جافه ليا سنه ونص تقريبا متزوجه ماعندي اطفال احياانا ادعي ربي اني يرزقني بالدريه والولد الصالح عشان اعوض الحب باطفاليي تعبتت ادعولي بان ربي يرزقني من واسع فضله
..........................
يمكن في ناس بيقولون اتعودي من الشيطان ومن الافكار دي ,, انا سبق ببدايه زواجي
اني مررت بمشكلله هيا كان لهاا السبب في معرفه ماضي زوجي ساحكيها باختصار ( في بدايه زواجي كنت انا وزوجي في الغربه لاكمال دراسته اخدني معه كمرافقه كنت اقضي اغلب وقتي في البيت وهوا بالجامعه .. لدى زوجي لاب توب نشترك فيه لاني ماخدت لاب توبي تركته بالسعوديه .. فكنت استخدمو وقت ماطفش ,, في يوم من الايام كنت احمل فلم ومعروف انو لما تحمل فلم تلاقيه بملف التحميل ,, فتحت الملف لقيت مقطع عجيب كانه زوجي ومعاه بنت ,, غمضت عيني وقلت اني اتحلم مو صدق وبديت ارتجف وبدت الدنيا تدور فيني فتحت المقطع .. وكانت الطامه الكبرى انه زوجي وكان معه بنت مشغلين الكمرا وجالس يمسك شعرها ويقرب منها وحركات واحد مايسويها الا مع زوجته .. كان فيه مقطعين بس ماقدرت افتح الثاني .. قفلت الاب توب ورميته بقوه عالارض .. وقعدتت ابكيي واشهقق ,, كنت بغربه والحالي وماعندي الا زوجي بسسس .. جا ولقاني ابكي كل ماقرب دفيته انقلع مابغااكك وخرر عني هو مسكيين انصرع مايدري وش سار يسالني اشبك وكل مايتكلم هااتك يازفره وصيااح ماعرف اش يسوي ) المهم من بعدهااا سرت اتخييله واحد ثاني تلاشت صوره انه ملاك صرت اشك فيه لابعد شي واي بنت يكلمها اسويي قضيه لانه كنا بغربه والمجتمع يحتم الاختلاط فكان كلامه مع الاجانب بصوره كبيره بالمستشفى بالجامعه بالسوق
كنت اقوله لاتكلم انا بكلمهم يقول يلا.. ههه بس ياحسره ماكنت اعرف التكلم بالغه الانجليزيه في الاخير لازم هوا الي يتكلم .....
وبس مرت سنه ونص وربي تمم زواجي وغفرت لزوجي زلته .. بسس سرت افتقد حبه لي سار ينشغل كثير حتى لو تواجد بالبيت انا اكون فوق الكنبه هو يقعد عالارض اطالع تلفزيون يروح يمسك الاب توب وينشغل فيه يعني وجوده ماكانه موجود بوادي اخر
قبل امس كنت نايمه عند امي لضروف جلست يومين مفروض انو يكون مشتاق لي لاا ارسل رساله محتواها ( متى بتجين انا بنام ) زعلت وربي يوم قريتها اش دا الجمود الي بقلبه رجعت البيت كان نايم وطوول ماهوا نايم مديني ضهره حتى لمى صحى يصلي الفجر شافني ماتكلم صلى ورجع نام واداني ضهره .. لما قمت الضهر مالقيته راح .. المهم انا جاني تحطيم من تصرفاته واسلوبه مع اني الحمدلله احاول اني ماقصر لابواجبات لابحقوق ..
اتمنى الرد من اهل الخبره .. فالجفا والبعد احرقانني
09-12-2011, 08:12 PM
ضوابط المشاركة
العرض الشجري