السلام عليكم ورحمة الله وبركاته
ترددت كثير قبل مااطرح مشكلتي لان صايرة اكتم بس وصلت لمرحلة خلالالاااص انتهيت واخاف زوجي يطير مني
عندي ثلاث اطفال وعلى بعضهم بسم الله عليهم
زوجي يخوني ب ايديه ورجليه تعبت ومليت منه واستخدمت كل الحلول مانفع معه
كل عيوبه واسلوبه الي مايعجبني قدرت اتعامل معه واتفاهم معه الا الخيانة
مدددددري كيف بيعقل الاحقه ماعقل اعلم عمي عمتي اخوي ماعقل اكبرها وازعل واطلب الطلاق يتاسف وترجع حليمة لعادتها القديمة اغير من شكلي طبعي اتركه احمل اولد اتغلى انمرض اموت مايتوب
مللليت من خياناته
منهم البنات وكيف تعرف عليهم مددددددري عجزت بعرف دوامه مو مختلط
ولايدخل لا شات ولا لاب توب
يدخل التويتر والفيس بوك وافتشها كلها رجال بس ادخل برامجه الفايبر والواتس اب في بنات من وين متعرف عليهم مدري نتهاوش ويتاسف مني ويحذف برامجه ويرجع
مرة قريت له محادثة شيب راسي من الكلام انهرت وكسرت جواله تاسف وراح شرى رهيب وتغير كم يوم ورجععع شرى جهاز جديد مااعرف استخدمه واتعلم لاستخدامه واحصل شيء يغيره بجهاز مااعرف استخدامه وعلى هالحال
اسأله من وين عرفتها مايجاوبني خلاص قفلي على الموضوع انا تركتها
اول كنت الاحقه واذا دخل المجلس لوحده كنت امر عند المجلس واتحلطم بالكلام توحدي مسحور فينا مرض معدي مريض مب اهلك وهو مايرد علي وان تكلف قفل الباب بوجهي قبل مايسمع كلمه تركت هالاسلوب وصرت اتركه ومااكلمه ولا ادخل عليه وخفت جلسته وصار يجي يجلس معنا بس قلبي يحترق وش قاعد يسوي انا محرومة منه والبنات متهنيات فيه
واشك فيه ماااثق فيه نهائي بس احاول اتركه وماالاحقه بس تعبت قلبي يحترق احبه ومالي في الدنيا بعد الله غيره وهو حبيب مايهيني ولايضربني ولايستهزي فيني ولايحرمني من شيء وطلباتي اوامر بس هالخيانات واذا قال بطلع مخيم مع عيال خوالي اتصل على بنات عماتي ( يكون ولد عمتي ) واسالهم صدق بيطلعون ولا لا وبعد ماطلعوا ورتني بنت عمي صور لهم ثلاث صور له وجواله بيده يكتب ومفهي مع الجوال
ان لاحقته صار يخبي علي وان تركته يحترق قلبي
واي مكان له افتحه احصل شيء صورة او جوال مااعرفه او رقم او مصيبة اكبر واكبر
منهم البنات وكيف تعرف عليهم مدري هي تلاحقه ولا هو يلاحقها مدري
غامضضضض مدري وين يطلع واذا قال بروح الاستراحة وكشفته ان مب بالاستراحة وواجهته يصرفني ببرود
ماااااعرف اصدقاه ولا يبيني اتعرف على زوجاتهم الا بس زوجات اصحابه الدكاترة في الجامعة
تعبت ممممممرة
طلبت الطلاق جنونه ولا اطلب الطلاق يتاسف ويتغير اسبوعين بالكثير ويرجع
يحبني ومافي مني وصابرة عليه ويرحمني يتيمة وامي واخوي بعيدين وجالسة عشانه هو وعياله ونظيفة ومهتمة فيه وبعياله بس صدقيني انا ضعيف قدام البنات قلت وفرحان تعلمني وانا مو بنت وشي جدار ولاجنس ثالث *
يبي يروح برا يكمل الدكتوراه ويبيني اروح معه ورفضت ماراح اترك الجامعة وانا بالنص واروح معك وتخوني وتحرني واتندم اني تركت دراستي اذا بتروح رح بدوني يرفض اروح وابعد عنك مققققدر اخونك اقدر
انصحه لك خوات وبنات يعصب وتتفاولين علي
اخر شيء قلت له اليوم اسمع لو بيوم تجيك ورقة من المحكمة ابي اخلعك لا تستغرب ومن اللحين اقولك عيالك ماااااااابيهم عصب وقلب الطاولة علي وهاوشني وراح للمجلس وجلس يدخن
مرة تعبت معه ومااااابي اخسسسسسره
ادري كلامي مكركب وماوضحت بس صدقوني مرة تعباااااااانة
ياربي تفرجها علي وعلى المسلمين*

__________________
وإني لأرجو الله حتى كأنني ... أرى بجميل الظن ما الله صانعُ .