بسم الله الرحمن الرحيم
ارجو من شخص مختص الرد على رسالتي

تزوجت منذ ثلاث سنوات من رجل متزوج ( عنده زوجة و6 اطفال ) كنت بعمر 29 وكان هو 39 استخرت ربي وتوكلت عليه لانه ثقتي بربي كبيرة
كنت سعيدة معه اول اسبوعين من زواجنا حيث انه اخبر زوجته بزواجه مني ( هو هددها بالزواج من ثانيه وهو متزوج منها 16 سنه بذلك الوقت )
ما قيل لي عن زوجته وعلى لسانه ان زوجته لا تعطيه حقه الشرعي وكان ذلك السبب الاساسي للزواج الثاني بالاضافة الا انها لا تحترمه امام اهله وامام العيال
المهم بدأ زوجي للاسف بعد فترة قصيرة بمحاولات تطفيشي يزعل بدون سبب واضح وما يجي للشقة اسبوع او اسبوعين سكت بعدما خلصت السنه الاولى من زواجنا قال لي ما اقدر ادفع الايجار فا تعالي نسكن ببيتي مع زوجتي الاولى وبيكون لج قسمج الخاص
المهم وعدني بانه بيكون لي قسم خاص ما في حد يدخل قسمي المهم جهز القسم وللاسف تفاجات بانه القسم مب مفصول يعني عياله راحين راجعين ازعاج 24 ساعة قلت ما عليه مع اني كلمته بادب و قلت له انت وعدتني بقسم خاص عصب قال لي انت تبين تفرقين بيني وبين عيالي قلت ما عليه حبيت عياله وحبيت زوجته وكنا نطلع الاعراس مع بعض واخذ الصغار للملاهي وكله عا حسابي
المهم زوجي صار اكثر عصبية ويقول للعيال لا تكلمون هذي هذي حرمت ابوكم ومستحيل تحبكم وكان يقول لي نفس الكلام سكت قلت ما عليه
المهم صار يزعل ويخليني بالاسابيع بدون ما يعطيني مصروفي ( انا اعمل بس اطلب منه مصروف عا الاقل 500 درهم كل شهر هو ملزوم بي )
حتى لما وعدني بالعمرة بيوم السفرة قال لي انا اسف ما احب اسير معاج انا احب اسير مع ام عيالي قلت ما عليه الله يحفظك
حتى لما اقوله خليني نطلع اي مكان يقول لي ما عندي فلوس بالرغم من يصرف فوق ال 20 الف على بيته الاول ويعطيني بس 1000 درهم حتى اصرف عا اغراض البيت بعد ما عليه

اخر شي حرمني من حقي الشرعي قلت له خلاص انا بعتبر نفسي ارمله زوجي مات المهم ما بات عندي ليلتي كعادته كلما اتكلم معاه , وسافر لمهمة برا الدوله ولا حتى سلم علي قلت ما عليه طرشت له مسج ترجع بالسلامه ولا رد علي

لما ابكي يعصب انت ليش تبكين ليش اسكت ما اقول شي اذا تكلمت يعصب علي اكثر
مب مسموح لي اقعد معاه ابدا او اطلع معاه ابدا او اتغدى معاه الجمعه او السبت فا اروح واتغدى عند اهلي
طلبت الطلاق بالمحكمة شهر 6 الماضي ولكنه لم يطلق انتظرته 3 شهور سالت متى بتطلق قال انا متردد
وطلبت الطلاق السنه الماضية اتدخل اخوي قال انا احبها وما اقدر اطلقها ورجعني

عن نفسي انا كنت انسانه سعيدة بحياتي قبل الزواج ابتسامتي كانت ميزتي وكنت اعمل ولدي صديقات كثر
كنت عنيدة وشخصيتي قويه بس للاسف تغيرت الحين وصرت انسانه ضعيفة مب قادرة اخذ حقي
ابى عيش بسلام مع هالانسان بسلام فقط
كلما استخير ارجع احبه اكثر من الاول
اما زوجي فهو انسان مسكين احس بالشفقه عليه عشان جي ما ارفع صوتي عليه ولا اطلب منه شي
يكره ابوه لانه كان يضربه وهو صغير بالرغم من حاولاتي ليتقرب منه واذكره بان عياله بيسون فيه جي
يكره امه لانها كانت ضعيفة جدام ابوه ليش ما تتدافع عني لما كان ابوي يضربني اقوله هذي حرمه مسكينه ما لها لا حول ولا قوة
مرات يقول لي انا عيالي باجر بيرموني انا ما اثق فيهم اقول له عيالك انت مربيهم احسن تربيه
يقول انا اكره زوجتي الاولى اقول له ما عليه هذي ام عيالك لاتتكلم عنها بسوء الله يهديها
وعا لسانه قال لي انه تقول عنه مب ريال وهي تصارخ عليه جدام الكل
مرات افكر لو كان لي لسان طويل مثلها ممكن كنت اخذت حقي بالكامل
زوجي للاسف انسان مقهوووووووووووووووووووووور تزوجني عشان يقهر زوجته
اذا بيطلعني برا نتمشى يقول لي لازم انا اقهر الاولى
وهو يقهرني انا لما ما يعطيني مصروفي وما يبات ليلتي عندي لانه لما يزعل منها يروح يبات عندها ولا يقدر اصلا انه ما يبات ليلتها ( هو شخصيته ضعيفة امام زوجته ولكن معاي احسسه انه هو الكل بالكل )
افكر بالطلاق الان بعد 3 سنوات من لزواج وليس لدي اطفال منه وبديت اخذ واعطي مع الشباب اللي معاي بالدوام عااااااادي بس احس بالذنب لاني اشيل الكلفه معاهم وانا انسانه متزوجة
اشتري له هدايا واتزين ببيتي واصلي وهو بعد يصلي بس ما يعرف بالدين غير الامور الاساسية ويعصب اذا قلت له حسبي الله ونعم الوكيل عليك
دايما يخبرني باسراره وحتى يؤمني على امواله اما هاذيج يخاف حتى يحط المحفظة ببيتها لانه تسرق فلوسه
لما اطلب منه هديه واقول له تهادوا تحابوا يقول لي ما عندي مع اني طالبه شي ب 70 درهم فقط
ما عنده اي وقت يقعد معاي كله قاعد عند عياله وزجته واذا سالته شويه من وقته عصب علي
انا لم اقصر معاه انظف البيت ولم اطلب خادمه لانه هو لا يحب الخدم
اكوي ملابسه كل شي مرتب
بس اعتقد انه يعرف اني احبه ومستحيل اتخلى عنه وهذا هو سبب تعامله معاي بهذي الطريقة
الكل يقول طنشيه وعيشي حياتج لا تعطينه ويه خليه
بعد عدة مسجات انا طرشتها له قال لي انا اسف على كل بس انا مب عارف اعطيج حقج
هو بعيد عني الحين واشتقت له موت بس لازم يعرف انه جرحني هاي المرة وبالفعل انا ادعي كل يوم انه قلبي ما يتعلق فيه لاني تعبت ومن تعبي بديت ااذي نفسي للاسف بالتدخين
ارجو مساعدتي انا مب عارفة كيف اتعامل معاه اذا اطنشه يرجع يعاملني زين واحس بالذنب
واذا رجعت زينه يطنشني ويعاملني معاملة سيئة
ارجوكم ارجوكم ساعدوني انا ما ابى اخسره بس تعبت
ياااااااااااااااااااااااااااااا رب انت حسبي ونعم الوكيل