ابسم الله الرحمن الرحيم

السلام عليكم ورحة الله وبركاته

انا عضوة جديدة وبصراحة عجبني منتداكم فسجلت فيه

حابه اعرض عليكم قصتي واتمنى تقترحون لي حلول


انخطبت وانا باخر سنة بالثانوية انبسطت خصوصا ان اللي خطبني رجال له سمعته ووزنه بين الرجال وفي عز شبابه وكمان رجل عصامي كون نفسه بنفسه المهم وافقت وتمت الملكة والشبكة لاكن حدث شي غريب وطبعا هذا الكلام كله لما كنت باخر سنه بالثانويه كنت اذاكر وفجأة نعست ونمت على الكتاب فتره بسيطة بعدين صحيت وليتني ماصحيت صحيت وانا مكتئبه وضايق صدري ضيق موطبيعي وجلست ابكي واصيح واقول مابغى احضر الامتحان ومابغى اتزوج تقولي امي ليش اقولها بس ابغى اعنس وكنت احس الدنيا مالها طعم وكان فيني خمول مو طبيعي كنت لما اصحى من النوم احط راسي على المخدة ابغى انام وكنت اقول يارب انام ومااصحى وكانت امي بالقوة توديني المدرسة وكل يوم الصبح انا وياها هواش وبخصوص الزواج مره موافقة ومرة لا المهم كان يوم ملكتي وشبكتي وزواجي اتعس ايام حياتي علما ان ماكان ناقصني شي زوجي يحبني ومغرقني بالهدايا واهلي لما تخرجت سوولي حفلة وكل هذا ضايق صدري والسبب مجهول رحت لدكتورة نفسيه بس مافادتني المهم في شهر العسل كنت مااحب اطلع كثير وكان زوجي يحاول يطلعني ويمشيني لكن نادرا مااوافق وكنت اتمنى انه مايجلس في البيت المهم بعد سنه وثلاث شهور حملت وهنا بدأت تتحسن نفسيتي لكن بعدين انتكست وسبب اني كنت اتذكر ايام زواجي واللي المفروض اكون مبسوطه فيها وكنت ابغى اطلع واتمشى ابغى اعوض اللي فاتني لكن للاسف زوجي موفاضي من هنا بدأت عندي شي اسمه غيره اللي ماكنت اعرفها وتعبت منها كثير كنت لما اشوف وحدة بتتزوج او عروسه اقعد آكل في نفسي وابكي لاني تزوجت وماحسيت بفرحتي وانا عروس وتعرفون العرايس تمشيت ورحت وانبسطت وسوالي ودلعني...

وكنت اضايق واجرح اي وحدة عروس علما بان زوجي ما يقصر يدلعني وطلباتي اوامر ويسمعني كلام حلو الى اليوم وانا لي سنتين وثلاث شهور حتى لما نتخاصم يعتذر مني ولو كنت انا الغلطانة حتى لما ولدت جابلي هديه قيمتها ٢٥٠٠ ريال حتى مرة قعدت عند اهلي ٣شهور عشان شهري الاخير وولادتي كان كل شهر يحول لي مصروف ١٠٠٠ ريال حتى قبل يومين ارسل لي رسالة بالجوال وانا قاعدة جنبه بالسرير ومشغولة بولدي هذا نصها

(أنا جريح الزمن وذنبي

<أحبك>

من جزأ <محبتك> في سجن الغدر رموني...

لما احكموني براءة قلت <أحبك>

وزعلوا مني!

وبالمؤبد رجعوني.

وقالوا قام اليوم حضك وبين "كرهك والبراءة" وبين"محبتك والأعدام" خيروني؟؟

قلت لو تشرحوني <أحبها> يعني <أحبها>

قلتها وللحبل قاموا يسحبوني...

قبل شنقي صرخت

والله <أحببببببك>

والمفاجأة؟؟

قالوا هذا مجنون [وتركوني]//)

ومع هذا انا ماني مستقرة بحياتي بسبب تفكيري بايام زواجي ولمأ شوف زوجي يعاملني بطيب ورقة اقول اكيد يبغاني اتعلق فيه وبعدين ينتقم لاني زعلته وضايقته كثير وكنت بارده معه واقول في خاطري كل اللي سويته ويحبني علما ان مافي صلت قرابه بيني وبينه~

تكفون كيف اطلع من الهاجس لاني احس اني باخرب بيتي بيدي صرت اهمل نفسي وزوجي وبيتي وكمان احس بنوبات اكتئاب وضيق داخلي بشكل مو طبيعي وارق وجربت حبوب نفسية كثير منها بروزاك ٫لوسترال لكن مافي فايده علما باني كنت قبل اكتئابي فرفوشه ونكوته ومتفائلة وقلبي صافي وسعيدة وعندي رضى بالقضاء والقدر وكنت متفوقة واحب الدراسه لكن بعد اكتئابي صرت نكدية ومتشائمه وتعيسه ويجيني يأس وقنوط وصرت حقودة واكره الدراسه وشكاكة بتقولون متغيرة كثير بس ودي ارجع زي ماكنت لكن ماني قادره في ضيق بصدري يخليني عصبية وما اتحمل اي شي لكن انا عن جد تغيرت ١٨٠ درجة وكل هذا خلال سنه والمشكله هي اهم سنه السنه الاولى من زواجي.

تصدقون اني كنت قريبه كثير من لقب مطلقة لكن ربي ستر حتى ان بعد زواجي بفترة كان زوجي يقولي والله كنت بامر المحكمة عشان اخلص اوراق طلاقك لكن اللي ردني اني كنت احس لو طلقتك باندم ندم عمري ماندمته بحياتي علما باني كنت اطلب الطلاق كثير بسبت الضيق اللي فيني...


ارجو الا تبخلوا بمساعدتي...