فتاه مزعجه من نفس مدينة خطيبتي ..تطرد ورائي المستجدات بالرد45,93,126
السلام عليكم ورحمة الله وبركاته
مدري كيف ابدا الموضوع ... لانه ( غريب)
انا الحين اجهز امور الزواج من قصر افراح وذبايح وعشا وكروت افراح وحجوزات وسكن واثاث ومليون شغله براسي
الموضوع كالتالي:
قبل يومين جاني اتصال من رقم غريب ورديت ولا اللي تتكلم بنت تسأل انت فهد
قلت لا والله ماني فهد ...غلطانه وسكرت الخط
انتهى
وقتها كنت في سيارتي مسافر لشغلي وكان 12 الليل وكان الجو ضبااااااب فما كنت اقدر امشي اكثر من 50كيلو متر في الساعه لانك ماتشوف شي
وبعد الاتصال .... البنت بدت ترسل رسايل ثلاث او اربع
طبعا بس اقراء وما ارد
ارسلت رساله وقالت فيها ...مين انت
مارديت
ارسلت رساله بعدها وقالت : ممكن نتعرف
مارديت
ارسلت رساله غريبه قالت : واذا قال غلطانه؟؟؟
مارديت
بعدها اتصلت خطيبتي
رديت وقلت لها بعد حوار بسيط اني ماسك خط والجو ضباب وما اقدر اكلمك لاني لازم اركز في الطريق
بعدين اتصلت البنت ورديت
قالت مين انت
قلت انتي تبغين فهد صح
قالت ايه
قلت ماني فهد غلطانه
وسكرت
وبعدها بدت ترسل رسايل حب وغرام
وانا مارديت
الساعه 5 الفجر وصلت ..... رحت شقتي
صحيت من االنوم وفيه رسالتين من هالبنت
مارديت
الساعه 12 امس بعثت رساله تقول صباح الخير
رديت انا بقي 6 ساعات ع الصبح
مين حضرتك و وش تبغين
قالت: انا بنوته
قلت: ممكن اعرف سبب ازعاجي
قالت: نتعرف
قلت: من وين جاك رقمي
قالت:حسبتك صديقتي بس غلطتو طلعت لي انت
قلت: طيب اللي يغلط مايكرر غلطه
قالت: حلو لما تتعرف على اشخاص
قلت : بس حرام
قالت:ليه معصب الدنيا ماتسوى
قلت: لامعصب ولاشي بس اسلوبك غريب وماشفت مثلك .... سوري بس عيب
قالت: وش اسمك طال عمرك
قلت:مابجاوب على شي وبعدين انتي قلتي اسمي في وحده من رسايلك
قالت اسم صديقتي :ملاك
ملاحضه: البنت ارسلت رساله قالت في بدايتها اسمي لكن بدلع
اسمي (مالك) وقالت (ملوكه) فلما سألتها كيف ماتعرفيني وقلتي اسمي في الرساله
قالت اسم صديقتي(ملاك)
قالت : انا ما اعرفك ..ممكن نتعرف؟؟
قلت:سوري اخاف
قالت: تخاف مني انا مش وحش وتضحك
قلت: ما اخاف منك
قالت": اجل من مين
قلت: اخاف من الله
قالت:اسفه دقيت بالغلط كنت بكلم صديقتي وطعت انت
قلت: الله يهديك ويستر عليك فوق ألأرض وتحت ألأرض ويوم العرض
قالت:تسلم يد ربتك
بعدين انتهى الموضوع بالنسبه لي
وبعد ساعه اتصلت حبيبتي خطيبتي سولفنا شوي وسكرت عشان بتنام
وع الساعه 2 الفجر جاني اتصال من رقم غريب
رديت ولا بنت... طلعت هي البنت ألأوله اللي مزعجتني من امس
تتصل تعتذر ومن هالكلام
وانا معها جاف وكأن الموضوع ولاشي عندي
وتبرر وتكرر كلامها انها غلطانه في الرقم وان هذا رقم صاحبتها
قلت ان الموضوع انتهى وانا نسيت خلاص الله معك
قالت بس بحفظ رقمك عندي
قلت : حنطيه ... بس رجاء لاتزعجيني
قالت : بس نكون اصحاب انا محتاجه احد يكون عاقل لاني بنت طايشه محتاجه احد يوقف معي
قلت : عندك ابوك اخوانك مابيقصرون .... يلا باي
وسكرت الخط في وجهها
وشوي ولا هي تراسلني ع الوت ساب
وتسأل وش اسمك كم عمرك وين ساكن الخ الخ الخ
وانا مارديت عليها
لكن ارسلت ملف خريطه موقعها وفتحته وطلعت من نفس مدينة خطيبتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
وبس ماعاد كلمتها ...
رغم ان فيه مليون الف سؤال في راسي
بقول لكم شي مهم
لما كلمت البنت الله يستر عليها ويهديها
بصراحه وسامحني يارب
بس اسلوبها في الكلام وطريقتها شي فخم ومغري وانثوي و شي عجيب
وقارنت بينها وبين خطيبتي .... فيه فرق كبييييير بصراحه
واي رجل يرفض التعرف عليها غبي
وانا اعترف بغبائي
لكن مثل ماقلت ماني راعي هالسوالف واخاف رب العالمين
وعندي زوجه اخاف عليها
وعندي خوات وبيصير عندي بنات اذا شاء الله
وما ابغى يوم من الايام يتسدد لي الدين
انا ابغى علاج مثل البندول يهدي الصداع فقط
وما ابغى اعصب واتصرف تصرف غلط
البنت ولله الحمد ماصار بيني وبينها اي شي يغضب رب العالمين ونفسي الأماره السوء مادفعتني لأرتكب الغلط رغم اغراء هالبنت
والشكر لله ماشتمت ولا غلطت تكلمت معها بكل ادب واحترام
التعديل الأخير تم بواسطة شذى 1404 ; 22-11-2011 الساعة 08:17 PM
السبب: تعديل كلمة العالمين
20-11-2011, 08:17 PM
ضوابط المشاركة
العرض الشجري