اختي ..

زوجي يوم تقدم، كنت بارفضه لنفس الاسباب .. شوفيه دحين ؟
يتكلم احسن مني و مافيش احسن منه

امس و انا راجعة من المستشفى، كنت جوعانة و جلسنا نتعشى
بمطعم، و افتكرت موقف على ايام الملكة و حكيت له ..

بعدين قالي انه تغير كثيييييير بسببي و اني كنت السبب
بتغير شخصيته للأفضل .. قلتله: اصدق بعدين ؟
قالي: ايوة صدقي، و لا نسيتي ؟؟؟

من جد أقولها لك، تعبت كثير بالبداية .. بس الحمد لله ..

و الصراحة، كنت بارفضه من اول اسبوع بالملكة.. بس قلبي
مثلك ما فكرت بنفسي.. فكر فيه هو و حزنت اكسر خاطره
و كنت شايفته مبسوط مررررة .. و نفس الوقت كنت شايفته
طيب و حنون و مايستاهل اني اجرحه ..

تفكيري أهبل وقتها
بس الحمد لله اني كنت هبلة و فكرت كذا، لاني ماندمت على قراري
و حاسة انه خطيبك بداخله ( انسان عظيم ) بانتظار اللي تكتشفه
و تخرجه و تظهره ..

و بما انه كمل تعليمه ماشاء الله و بالخارج، فمستحيل يكون ساذج
الا اذا الناس يقصدوا بها طيبته، انها سذاجة ؟؟؟؟؟

لأننا بزمن، الطيب فيه أهبل ..

زوجي اذا احد غلط عليه، ماشاء الله ينسى و يسامح ..
اخوي كان يشوفها هبالة و انه ماعنده كرامة، بس دحين الكل يمتدح
الصفة النادرة هذه بزوجي .. و انا تعلمت منه كمان