السلام عليكم ورحمه الله وبركاته

في البدايه احب اثني على المنتدى الاكثر من رائع
والاعضاء في غايه الحكمه

انا من زمان اتابع المنتدى بدون تسجيل
بس الحين عندي مشكله تزعجني بالرغم انها مو مشكلتي
مشكله اختي فوجب التسجيل

اختي عمرها 18 سنه خطبها ولد خالتي عمره 26
وحقيقه امي فرحت مع انها تكره زواج الاقارب
بس ولد خالتي محترم وعاقل ومؤدب وملتحي
فيه كل الصفات اللي تحلم فيها البنت

بس المشكلله هنا

اختي زماااان لما كانت في اولى او ثاني ابتدائي حاول يعتدي عليها
بس لمسها ولمس اعضائها وشافت عضوه الذكري
ولا سوا لها شي ثاني
لان الحمد لله سمع اخوه الكبير جاي ولبس ملابسه واعطا اختي حلاوه وقالها لاتعلمين احد

اختي لما قالوا لها فلان خطبك رفضت على طول وجلست تصارخ وتسب فيه

ولا احد يدري عن مشكلتها الا انا عرفتها وهي في متوسسط لان اختي في هذي الفترره تغيييرت تغير جذري
وصارت كئيبه جددا وتبكي دايم
تحسنت حالتها العام بس الحين يوم خطبها احس رجعت لها الحاله وصارت عصبيه

امي استغربت من ردها مع انها كانت تحلم برجل ملتحي وبنفس مواصفات ولد خالتي

بصراحه تفاجأت منه يوم خطبها وحسيت انه يمكن ضميره يأنبه ع اللي سواه
وصرت اششك هل ممكن هو فض غشاء بكارتها ولا على كلام اختي بس لمس

اختي تكرهه كرره مو طبيييعي حتى اسمه تكره ومره شافت له صوره جلست تطالع فيه بحققققد وتقول
لبنت خالتي اخوك يخوف

خالتي حاولت في اختي تعرف سبب رفضها بس اختي ماعطتها كلمه تقولها مافيه نصيب وتطلع اعذاااار

وغير كذا قال لامه مابتزوج غيرها مالي دخل حاولو فيها ودخلوا واسطات ولا رضضت

انا خايفه افتح معها الموضوع بس ادري مابتتقبل تحكي فيه

واليوم ياجماعه ولد خالتي جاء امي يقولها ابي اكلم البنت ومصصر على هالشي بقووه

وامي تقوله خلاص تزوج غيرها البنت رافضه لعله خيره بس رفض
قال انا ابيها هي وبستناها حتى لو صكيت الخمسين

على فكره الرجال تغييير جداا عن اول ايام مراهقته

عذرا على كلامي مو مرتب

حال اختي مايسسر
وهي رافضه انها تتكلم في هالموضوع نهائي

عندكم حل ياجماعه الخير؟؟