السلام عليكم ورحمه الله وبركاته
قبل ان اسرد لكم قصتي اشكركم على تعاونكم وحب مساعدتكم للجميع اختي دلتني على هذا المنتدى
وان شاء الله تريحون بالي وتساعدوني
انا عمري 20 سنه لي قرابه السنه من كتبت عقد قراني
مشكلتي لم اتوفق
قبل خطوبتي هذي انخطبت لشخص وافقت وحددنا موعد كتب الكتاب ولم يأتي زعلت بس في الاخر رضيت بالامر الواقع وقلت خيره من ربي
وبعدها بفتره انخطبت استخرت والحمد لله ارتحت ووالشخص خلوق ومتدين ومافيه عيب وتوكلت ع الله وافقت وجاء موعد كتب الكتاب وكنت متخوفه تصير لي مثل الصدمه الاولى لكن الحمد لله عدا كل شيء بسلام وفرحت كثير وسويت الملكه وقابلته وحدد موعد الزواج وجلسنا فتره 3 شهور نكلم بعض وكل الي حولي لاحظوا اني مو مرتاحه او فيني شيء مسبب لي قلقل وانا بصراحه ما اكرهه ولا احبه شعور غريب ما احس اني مثل اي بنت مخطوبه
المهم بعدها بفتره اجل الزواج ولا صار يكلمني يوم يشوفني بالمسن كأنه شايف بسم الله على طول يسجل خروجه انا بالمررره مرتحت قلت لأمي تكلم اخته عن سبب تأجيل الزواج وكانت هنا الطامه الكبرى
انه مريض شايل فكره الزواج من راسه يبيني بس فيه شيء يمنعه مايقدر يكلمني وبعدها راح لشيخ والصدمه الاكبر انه طلع مسحور بسحر تفريق وانا من بعدها تعبت على اهلي صرت انسانه مو طبيعيه رحت لشيخ وطلعت محسوده واحتمال وجود مس عاشق انا هنا من جد كرهت نفسي يعني الحمد لله على كل حال بس شيء يقهر حتى فرحتي ماكملت
واهل خطيبي وخطيبي مايدري اني تعبانه وانا خبيت عنهم ذا الشيء مادري الي سويته صح او خطأ مع انه يوم مرض اصر على اهله انهم يخبروني عشان ماقول مهملني ومافكر فيني واخذ بخاطري
امي بدأت تستفسر من اخته في مين شاكين ومين له مصلحه بسحره وهنا اخته قالت كل شيء
ان وحده من جماعتهم تحبه ومتعلقه فيه وتبيه وهو نهائي ماوعدها بالزواج ولا يحب حركات المغازل من تعلقها فيه ارسلت امها عشان يخطبونها بس هو رفض لانه مايبي وحده بذا المستوى
حتى والله بيوم الشبكه اول ماطلع من عندي كلمته وكل ماغير رقمه جابت الرقم ويوم اجل الزواج معاد صارت تدق عليه من جد قذره
ومن نفس كلام اخته الي فهمته منها انهم نااس كثير حاقدين عليهم بس هم مالهم ذنب ربي بلاها بناس كذا
انا صراحه فكرت افسخ خطوبتي بس حرام اكسر قلبه ويوم كان بعافيته ابيه والحين يوم مرض اتركه
واحيان اقول ماراح يتركونا في حالنا احترت في امري ولا اعرف اخذ قرار
انا كتبت قصتي لكم اعتبروني مثل وحده من بناتكم او اخواتكم اش اسوي في هالحاله
ولا تنسوني من دعواتكم ان ربي يفرج على ويشغل من اراد بنا السوء في نفسه