زوجتي لاتحترم اهلي ساعدوني
ا[SIZE="5"]لسلام عليكم ورحمه الله وبركاته
وكل عام وانتم بخير وجعلني الله واياكم من المقبولين في هذا الشهر الكريم
هذي اول مشاركه لي معكم في هذا المنتدى وحبيت اشارك معكم لما رايته من الاعضاء الرائعين في مد يد العون لمن طلب مشورتهم
اعتذر لاني مانسقت الموضوع بشكل جيد
اول شي انا متزوج لي سنتين تقريبآ والله اني قضيت اغلب هذي السنتين في مشاكل مع زوجتي
انا ساكن في بيت اهلي في الدور الي تحت والوالدين الله يطول في اعمارهم في الدور الثاني
ولايوجد مع الاهل إلا انا وباقي اخواني يشتغلون في مناطق مختلفه
زوجتي هي بنت خالي في نفس الوقت تعمل معلمه وليتها لاتعمل لانها مغروره بشكل زايد وشايفه نفسها انها معلمه والحمد لله لم اطلبها اي شي ووالله اني لاعرف كم تستلم من الراتب
المشكله يا اخوان ويا اخوات
انها لاتريدني ان اخدم امي او ابوي او اجيب لهم اي شي يحتاجونه
وتتضايق لما اطلع اسلم عليهم فوق
وكل شوي تتكلم في اهلي وانك خدام عندهم مع اني مو مقصر معاها بشي
وكل ما اقول لها شي تقول من الي يوصيك وتقصد بكلامها الوالده
واقسم لكم بالله ان امي طيبه وابوي طيب والوالده هي الي اختارتها لي
ووالله ان ابوي وامي يوصوني عليها ان انتبه عليها واذكر مره اني طلعت لهم فوق
واخذوا يعاتبوني يقولون لك كم يوم ماتاخذ زوجتك تمشيها وتنبسوطون
وانا من داخل احترق اقول في نفسي هم بيغون لي ولها الخير
وهي تتكلم فيهم وتتهمهم
واذا قلت لها ترى بعزمهم الليله يتعشون عندنا مع اني في الشهر مرتين او ثلاثه اعزمهم
تسوي مشكله وتزعل تقول ليه تبغى تعبني ماني فاضيه مع ان امي يوميآ تجهز غدائنا انا وهي
عشانها تاتي من عملها متاخره فقلت لها ياقليله الادب كل يوم يطبخون لنا غداء وماتبغي تسوي لهم عشاء
وقبل فتره ابوي باع سيارته الصغيره وكان يبغى يسافر للرياض وما معاه الا سياره جمس وبما انه لوحده بيسافر صعبه شوي قلت للوالد خذ سيارتي واعطني الجمس ولما عرفت اني اعطيته جن جنونها وقامت
تتكلم ليش تعطيه وش دخلك تعطيه ادري انه اخذها عشاني مدرسه يبغى يستغلك قلت وش موضوع انك معلمهقمت تخانقت معاها وقلت ماني في حاجتك لا انا ولا اهلي حالنا الحمد لله مستور
انا لم اكتب الا بعض من تصرفاتها اتجاه اهلي مو كلها لاني بطول عليكم
والله اني افكر اطلقها بس كل مره اقول إن شاء الله تتحسن بس نفذ الصبر الحين اعطوني حل
على بلاطه ماتحترمهم وانا طابت النفس
المشكله الوالده عمتها اخت ابوها وتتعامل كذا كيف لو الوالده ماتقرب لها
الي كتبته بس المشاكل اتجاه الوالدين لانها الاهم
هذا غير مشاكلنا الزوجيه الي كل يوم مشاكل
واسف مره ثانيه على عدم ترتيب الموضوع
اتمنى تنيروني بحلولكم [/SIZE]
التعديل الأخير تم بواسطة باقي الخير ; 01-09-2011 الساعة 01:12 AM
01-09-2011, 01:06 AM
ضوابط المشاركة
العرض الشجري