السلام عليكم ورحمة الله وبركاته ..
دلني على هذا المنتدى أحد أصدقائي المقربين ،، وقد نصحني بالتسجيل هنا وعرض مشكلتي ..
مشكلتي في نظر البعض "بسيطة" لكن في نظري أنا معقدة جداً ..

أخوكم في الله متزوج ويشتغل في مستشفى.. بالبداية كان كل شي تمام.. إلى أن بديت أدخل جو مع زملائي .. ومن ثم زميلاتي!
كنت ما أتكلم معاهم إلا بالشغل .. بعدها بفترة صرت أحياناً أتكلم معاهم في أشياء عادية برا الشغل (عن رحلة سفر للخارج و...) المهم بدأ الموضوع يتطور (ليس من ناحيتي) وحسيت أن فيه بنتين (جميلات جداً) أسلوبهم جريء بقوووووة مع الرجال!! ومع الوقت اكتشفت أن أخلاقهن (في الحضيض) وأعتقد أنتم عارفين ايش اقصد ..

المشكلة أني أمسك مناوبات في الليل واجلس أتكلم معاهم أحياناً .. ما أدري بس تجيني أفكار مجنونة وقتها وما أعرف أتصرف وأحس اني منجذب لهن! المشكلة أن البنتين هذولي دائماً يعزموني في بارتيات (حفلات) لكن الحمدلله ما قد طلعت معاهم.. مع العلم ان فيه ناس يشتغلون بقسم آخر طلعوا معاهم مرة وجلسوا يكلموني عن اللي يسووه ..

المصيبة إني إنسان شهواني جداً وزوجتي ما تحب الفراش أبداً
حاولت مع زوجتي وما فيه أمل تتعدل.. فقط مرة كل اسبوع +_+
بصراحة أخاف يجي يوم وأضعف وأروح عندهم

حاولت أقطع علاقتي في البنتين لكن ما أقدر!! مهما بعدت عنهم هم يجون!!
طيب إيش الحل.. والله إني أخاف على نفسي من الحرام بس ايش اسوي القاها من زوجتي والا من هالبنات الله يهديهن!!