اقتباس:
المشاركة الأصلية كتبت بواسطة رجل الرجال
ابنتي الكريمة أريد أن أتغير إجابة الردين 601 و621
التحليل العام:
1- تركت الإجابة على ردك 601 لأنك بحاجة للفضفضة وإخراج ما في نفسك وتوقعت أنك ستردين مرتين أو ثلاث ففي نفسك كلام كثير يريد أن يخرج ومكتوم.
2- ما تمرين فيه هو عوارض الإبن الأوسط حيث تتم معاملته على أنه أصغر من الكبير فيخدمه ويطيعه وأكبر من الصغر فيرعاه ويتم تهميشه لا إرادياً من الإسرة ويخدم الجميع وكل يظهر في الصورة إلا هو لذلك يبحث عن مكانه مع الكبير أو مع الصغير لأنه يرؤى أنهم يحصلون على مميزاتهم وهو لا.
3- أفكارك مشوشة وغير مرتبة ومتداخله مع ذكريات وأحداث كثيرة وأحتاج لترتيب أفكارك ولعمرفة ما رأيته في كلامك إقرئيه مرة أخرى تجدي التكرار والتداخل والدورانت بشكل غير منتظم في السرد وهذا ما يسمى التفكير بصوت عالي أي أنت بكتاباتك هنا تفكري ولكن بشكل مكتوب.
4- تلاحظي أنك تعرفين الواقع والخلل والعلاج وترغبين بقوة دافعه لك للتنفيذ والسبب هو ليس موضوع غيرتك من أختك أو إظهار مميزاتك أو ترك ما يغطي على مميزاتك بل ما تبحثين عنه هو أن تظهري في صورة العائلة حيث ترين أن الصورة الكل فيها الكبيرة تزوجت والصغيرة محل العناية لأنها ترحم لصغرها وضعتي في الوسط. ( كررت الكلام هنا) لترفي ماذا تريدين.
5- يجب أن تكون قيمتك عند نفسك جيدة وأفضل من الإحباط الذي تعيشينه.
النصيحة:
1- المهم الأول في الموضوع بأن تحسسي نفسك بأن مكانتك في الأسرة معروفة ومقدرة من الجميع وانتبهي لكلام الوالده حفظها الله عنك وملاحظاتها عليكِ فهي تري إيجابياتك وسلبياتك لتضعي بصمتك في الأسرة.
2- لتضعي بصمتك في الأسرة بشكل مقبول تجنبي ما يزعجهم فلن ترتاحي لمن يفعل معك مثل ما تفعلين.
3- كنتي الصغيرة عند أختك الكبيرة قبل أن تتزوج وكانت تنتابها مشاعر غيرة أو غبطه عادية تجاهك لو تقدم لك لأحد ثم تزوجت وجاء دورك لتكوني الكبيرة عند أختك الصغيرة وجاءتك هذه المشاعر وسيأتي نصيبك بإذن الله وتكون كل هذه المشاعر ذكريات مضحكه لكِ لذلك أنصحك بأن تهمشي هذه المشاعر وتقرري لنفسك بأن نصيبك لا دخل له بنصيب إختك الصغيرة.
4- ضعي هدف لإنجاز شيء كبير في حياتك ونفذيه وأسعي له ليشغلك تحقيقه عن هذه المشاعر والتي وكما أتوقع سببها الفراغ العاطفي وهو أن يمتلئ القلب بحب كبير وليس أكبر من الله لنحبه ونبحث عن رضاه ولا يوجد من هو أكرم منه ولا أغنى منه ولا أقدر أن ييسر لنا أمورنا في الدنيا ومنها الزواج إلا هو سبحانه فأحبي الله وأقبلي عليهوسترين بأن حياتك ستنتظم بحب كبير يغنيكي عن النظر لكل خلقه.
انتظر تعليقك لنتابع.
تنبيه لترتبي الإكارك أرجو الكتابة بشكل منتظم بفقرات مثل
الوقائع :
حدث معي كذا وكذا وفعلت كذا وفعلت أمي كذا وقالت أختى كذا.
المشاعر
أشعر تجاه ما فعلت أمي بكذا وما قالت أختى بكذا
المطلوب :
أرغب في كذا وكذا.
|
بتشكرك كتير عنجد كتير فشيت خلقي هون.......تاني شي اعذرني على عدم الترتيب .....لانه لما كتبت امبارح صار موقف وضايقني.....وبدي اقلك اياه قبل ما اعلق عالباقي........امبارح اختي الاصغر كانت معي بالغرفة ومع اختي المتزوجة الي اجت تبات عندنا.......واختي المتزوجة كتير بستفزني اسلوبها بتحكي شغلة عني بتخلي الكل يضحك علي يمكن تحكي ما بثق بحالي لا بس مو هيك الاسلوب ما بعجبني...فالاصغر صارت تضحك وانا استفزني الموقف رحت طردتها من الغرفة كردة فعل لانها ضحكت وراحت زعلت والاخت الاكبر راحت وراها لاني طردتها حسيت بالقهر وقتها وزعلت كتير وكان نفسي ابهدل اختي الاصغر من كتر تعصيبي........وحكيت لاختي الاكبر انه هيك بتخليني ما اطيقها وافقع منها......وهادا الي صار .......انا بحسش بالراحة لما اختي المتزوجة تيجي وتكون الصغيرة قاعدة معنا بضايق كتير ......او لما الكبيرة تروح تقعد عندها وتهملني......هادا شي بفقعني .........وبحب اطلع مع اختي الاكبر لحالنا بحبش الاصغر تيجي عشان بحس انهم بهمشوني وبصيرو يحكو ويطنشوني وبدل ما اغير جو بالطلعة بصير زعلانة ومخنوقة اكتررررررررررررر.......هادا بالنسبة لموقف امبارح........اما الكلام الي تفضلت فيه كتير منه مزبوط.......بس انا واثقة انه اهلي بحبوني بس بحس ما بعطوني الحجم الي بدي اياه وهادا الي بخليني اضايق كتييييييييييير وفي شوية خلل بالتعامل معهم........انا لما بحب حد قريب مني بعمل شغلات كتير عشان اسعده ما بلاقي هالشي من الي حوليا وهادا الشي بخليني كتير حزينة ومضايقة......نفسي ابطل اتعلق بالناس الي حوليا لهاي الدرجة عشان لما يطنشوني ما ازعل......مش عارفة كيف......بالنسبة اضع بصمتي اهلي عارفين مميزاتي وصفاتي الكويسة كتير منيح لكن بحكولي بلحظة بهد كل شي وانا مش عارفة احافظ عليه بصراحة؟؟؟؟؟؟؟؟؟؟؟بالنسبة لماما واثقة بدها مصلحتي وبتحبني بس اسلوبها بتوجيه النصح بضايقني بحس اني ما بفهم بهالدنيا شي واني ما بفهم مع انه باعترافهم هما انه انا عاقلة وراكزة ومافي مني.......اما هدف كبير اسعى لتحقيقه مش حاسة انه في شي.....انا بديت من جديد اشتغل بروضة راتب قليل وهيك لكن الحمدلله عكل شي مخليني مستقلة نوعا ما رغم اني بساعد اهلي منه كمان.....بالنسبة للهدف صرت احس انه البنت ازا ما كانت متزوجة ما بكون الها حد تركن عليه وما حد بعبرها.؟...طبعا النا الله وانا مؤمنة عنجد بهالشي لكن كصبية بحاجة لحد اركن عليه اهتم فيه يهتم فيا زيادة وهادا مش موجود.......لا اعتراض لحكم ربنا.......بالذات هالشي بحسه لما تيجي اختي المتزوجة لانه عندها ظروف اهلي بكرموها كتير وبدللوها بصير احكيلو اني متزوجة ما كان حالي هيك استغفر الله العظيم.......سامحني ما بدي حد يحكي عني مش مؤمنة بس انا عاطفية كتير ونفسي الاقي الي يحبني ويهتم فيا........هادا اكبر امل بتمناه.....والله بكتب ودموعي بعيوني.........ازا الحكي مو مرتب بعتذر.......بالنسبة كمان شغلة من ماما بحسها بشكل كبير قلبها برق كتير عاختي الاصغر وبتريحها بامور البيت وهيك لدرجة بتخيليني افقع من الاصغر........صرت محتارة شو اعمل عشان اصير زيها ياريت تفهمني انا شخصيتي حلوة والكل بحكي هيك بس المشكلة انه لما تصير مشكلة بضل اعيد وازيد فيها وهادا اسوأ طبع بخلي ماما وغيرها تنفر مني.........لو فيه اي ملاحظة مستعدة اسمعها من حضرتك او اي تساءل بعتذر لو مو مرتب الخط.......مضايقة كتير ومخنوقة اكتر نفسي استقل بحالي كتير بس مش عارفة نفسي احس اني مستغنية عن الي حوليا واعيش مبسوطة زي الكل بس برضو مش عارفة.........عده دوامي بدى بالروضة وخايفة وضعي يسوء.......مش عارفة ........لانه بالشغل بضايق كتير وباجي اشكي لماما واماما بتوصل لمرحلة بتزهق مني مع كترة الحكي بس لاني ما بلاقي حد افش قلبي اله بروح اقلها........وماما بتحبش الحكي كتير هي هيك بس انا لمين اروح يعني مش عارفة بضيق الدنيا فيا وبحس حالي وحيدة.......بتمنى اكون وصلتلك الفكرة .......الله يسعدك يارب ويرزقك على مساعدتك النا.......كتير بشكرك يعطيك العافية
__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة
14-08-2011, 05:44 PM
ضوابط المشاركة
العرض الشجري