مشكووور والدي العزيز رجل الرجال والله يجزاك كل خير على هذا التعب .
* أتوقع كلمة لجين السعيده ما تناسبني واايده مع أني ابتسمت يوم قريتها ويلست أقرأها أكثر من مره ببس أحس أنها بعييده عني .
* والدي الغالي من البارحه وأنا أكتب كل شي عن أبوي وأقطع لدرجه حسيت براحه مب طبيعيه أول مره أحس فيها حتى نزلت في الحديقه وكنت وااااااايده مستمتعه وأنا أكتب وكنت أول ما أكتب حاجه تضايقني أقطعها بسرعه حدود 3 ساعات وأنا في الحديقه وأكتب بس حسيت بشعور غرييييييب كانت عندي رغبه أشوف حبيبي ( أبوي) وقعدت أفكر هل أتصل عليه اخر مره شفته قبل شهرين بس خفت وبعدها قعدت أصيح وما قدرت أكمل وطلعت حجرتي وشربت للأسف الحبه ورقدت طبعا ما حسيت الا نص الليل اول مره أطلع من حجرتي هالوقت من غير ما أكون خايفه حاولت أني أدخل حجرة ريلي بس ما قدرت خفت ليعصب عليا أو يطلب من شي انا مستحيل أوافق عليه فرجعت حجرتي .
والدي أنا مب عارفه شلون أتعامل ويا ريلي مب قادره أتفاهم وياه أحس أني ضعيفه جدامه لهذا الشي أحس ما عندي رغبه أكتب عنه هو ما غلط في حقي أبداً فقط بموضوع أمي ما رضى يساعدني تخيل ساعات يمر يوم كامل ما أشوفه هو دايمن يقول أنتي اللي عايشه كانج في بيت أبوج ناسيه أنج صرتي زوجه ( وأنا لا مجيب لانه كل تفكيري متعلق بامي ).
وموضوع السفر أخاف أفاتحه فيه لانه راح يوافق ولكن بشروطه وأنا صعب أوافق عليها لانه شهر العسل كان مرتب أموره على أنه نجلس شهر برع ولكن ما مر أسبوع والا وكل شي متكنسل من المشاكل .
والدي صورة أمي مب راضيه تفارقني أحسها متعبتني وااايد في خاطري أشوفها مره ثانيه بعدني ما شبعت منها في خاطري أرووح أشوفها شو رايك حتى يوم حاولت أكتب عنها ما قدرت مافي شي في ذاكرتي لها .
10-07-2011, 07:34 PM
ضوابط المشاركة
العرض الشجري