صباح الخير يا قمرات

دودى حبيبتى
البقاء لله
بجد انا مش عارفة اقولك ايه
ايه كمية النكد اللى عندك دى؟
بجد ربنا يصبرك و يكرمك باجرها يا رب
انا مش عاوزاكى تكونى زعلانة فكرى فى كل حاجة وحشها من جانبها الكويس
مامتك اهى قاعدة معاكى و مع اختك دا احسن بكتير ليها من الوحدة و كمان انها قاعدة معاكى فدا ونس ليكى و ليها كمان
اخت جوزك ربنا يرحمها كانت ممكن تتعب بمرض و يكون وجودها فى الدنيا ما هو الا عذاب ليها فربنا ريحها منه
الخلفة بقى فبصراحة الكلام اللى بيتقال فى الموضوع دا بقى معاد من طفل غير سليم لطفل عاق لـ لـ لـ
انتى حاولى تصبرى نفسك و خلاص عشان ميبقاش موت و خراب ديار و اقصد بخراب الديار دا نفسيتك حاولى تتماسكى اكتر من كدة

دبدوبى حبيبتى
شوفى ذى ما قلتلك موضوع الحبوب اللى بتنزل الحليب دا
واحدة صاحبتى قالتلى ان واحدة صاحبتها كفلت طفل فى بيتها و اخدت حبوب نزلت الحليب و رضعته من صدرها
دا غير انه حيكون محرم لاى طفل ربنا يرزقك بيه حيكون احساس حلو جدا جدا ليكى انتى نفسك و كمان حتلاقى البيبى اتعلق بيكى اكتر و اكتر لانى اعرف ان البيبى بيعرف مامته من ريحتها عشان اللبن
ربنا يكرمك يا رب و يرزقك باللى فيه الخير ليكى
انتى فعلا انسانة قلبك طيب و اكيد ربنا حيكرمك على اد طيبة قلبك دى


باقى البنات بحبكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة