بسم الله الرحمن الرحيم
السلام عليكم ورحمة الله وبركاته
اخواني واخواتي اعضاء المنتدى اقسم بالله ترددت الف مرة قبل مااطرح مشكلتي لنقاش ولكن من جد محتاج الرأي السديد والنصيحة الطيبة .
قصتي بدت من 8 سنوات من يوم الزواج طبعاً انا كنت غافل او مغفل طيلت فترة الزواج.
مرت الشهور والسنين ولم تحمل زوجتي انا طبعا رحت لدكتور من 3 شهر وقلي انت سليم ومعي التقارير بذلك .
ولمدة 3 سنوات من الزواج كانت ام زوجتي في كل حفل او مناسبة تقول بنتنا مافيها شي خلوا ولدكم يشوف نفسه وتجيني الوالده الله يحفظها وتقلي عمتك قالت وقالت ليه ماتسوي فحص وارد عليها واقلها خليها حرمه كبيره ماعليك منها الى ان جاء يوم وقلي الوالد الله يحفظه ياتروح تسوي فحص او انا باخذك بنفسي اذا منك السبب قلنا لان اهل زوجتك فضحونا مع جماعتنا والجيران رديت عليه وقلت له انا مافيني شي وعندي التقارير اللي تثبت بس ماحبيت اكسر بخاطرهم وياليت الواده تنسق معاهم من دون شوشره ويشوفون علاج صار الموضوع وراحوا يدوروا على علاج ومافاد صبرت وقلتي مسكينة ومو بيدها رغم ان الوالد حفظه الله شاب فيني إلا اتزوج طبعا من غير مشاكلها عدم رغبتها الجلوس بالبيت وزهقانه طول الوقت.
قلتي في نفسي يمكن عشان ماعندها اطفال وكانت دايم تبي تروح عند اقارب لها قلت ماعليه خلها تتونس وكانت تقعد عندهم بعض المرات بالشهرين والثلاثة ( تجي خميس وجمعة تغسل ملابسي وترجع عندهم ) وكنت متقاول مع مطعم للوجبات بعد فترة جاني الوالد وقال لازم تتزوج وسمعته زوجتي قعدت تبكي بعدين قالت انا ازوجك قريبتي المهم خطبتها من اهلها وبعد فترة الخطيبة صارت ترفض ترد وزوجتي معد تروح عندهم .. ليه ؟؟؟
دقيت وسألت قالت لي زوجتك ماتستحي ولا تخاف من الله زوجتك تبيني اكون انا واياها صاحبات قلت الحمدالله شي جيد ردت علي وقالت لا يامغفل زوجتك تبيني اكون زوجتك وزوجه لها بعد.
( اعوووووووووووذ بالله ) اقسم بكتاب الله انصدمت قلت خافي الله انا لي عمر معها , وقلت ان كنت صادقة اثبتي لي قالت اسمع وسمعتني مكالمة لها وهي تترجاها وتتكلم معاها مثل الرجاجيل وبسوي فيك وبعمل وماعليك من فلان تراه مايعرف بهالامور وخلينا نعيش مع بعض رغم اني باموت الف مرة لو شفتك بتنامي معاه وطول المكالمة كانت تحاول تقنعها بعدين الخطيبة علمت اهلها وطردوها وانا ماني عارف بالسالفة.
مالكم في الطويله انا اخذت المره ووديتها عند اهلها لها مايقارب السنة والا الآن ماحد يدري وش السبب حتى هي .
والله معد اطيق اسمع اسمها وكاره سيرتها بس الاهل شابين فيني يبون يعرفون وش السبب ليه ماارجعها واذا بالطلقها لازم نعرف السبب .