السلام عليكم
الله يعطيكم العافيه ياليت تعطوني حل في مشكلتي لأني تعبت
اول شي أنا اصغر خواتي
واعاني من تحمل المسؤليه الزايده
حاولت اتخلص من بعض المسؤليات بس للاسف اهلي مايساعدون
أنا موظفه وعندي مسؤليات في الدوام وخاصة أني موظفه وانا عمري عشرين سنه
خواتي اكبر مني منهم متزوج ومنهم عاطلين ومنهم وحده موظفه والموظفه وشايله الحمل معي
بس المشكله ان اختي الموظفه تحملت المسؤليه وهي كبيره لانها توظفت متأخر وطبيعة شخصيتها تحب تكون قياديه يعني مناسبها هالوضع
بس أنا توظفت وانا صغيره بديت اصرف ع بيت اوفر خادمه واجباري
ولما ارفض ينكرون كل شي سويته وكل شي وفرته
يعني جبت لهم احدث الاجهزه جبت لهم هدايا
عيشتهم بعز
ليما تعودو ع العز
وانا من الناس ماحب ابخل ع نفسي
عشان كذا يفكرو ان معي فلوس
لان اختي تبخل ع نفسها فيستعطفوها يفكرو ماا عندها فلوس
يعني أمي تبغى فلوس زياده تجي لعندي
ماتروح لاختي
طبعا ابوي أنا اعطيه ربع راتبي واختي كمان نفس الحكايه
بس القهر في الموضوع أني لما افكر اخفف عني بعض المسؤليات يقول ادفعي
مع ان عنده اسره ثانيه يصرف عليها بالكامل
بحجة أنهم ماعندهم احد بيشتغل
وكمان تلاقيه كريم مع زملائه وبيدفع كتير
ويشغل عمال عنده ع حسابه براتب زياده
وفي يوم من الايام طلبت منه يجيب سواق للعائله لاني بروح لدوام بسيارة تكسي واول مارحت مع تكسي اول مره مت من الخوف وهو شال همي في البدايه بس طمنته وبعدها ماسال علي
وكلمته عن السايق لأني تعبت وفلوس منيره تروح ع الفاضي ورفض وقال جيبيه بفلوسك وأعطيه راتبه وكمان جيبي له سياره والمشكله ان أني وأخواتي بيقولو معاه حق
ويقولو انتي بتجمعي فلوس ليه
حتى لما اكلم صاحباتي بيحاسبوني
يقولو صرفتي كروت كتير
طيب أنا مو من حقي أتمتع براتبي
مع أني مومقصره معاهم جبت لهم أشياء ماكانو يحلمو فيها
أنا مليت من كلمة جيبي. هاتي .أنا ابغى .أعطيني فلوس
ادفعي راتب الخادمه. ادفعي القسط الشهري للسياره .إدي ابوك فلوس .إدي امك فلوس
جيبي لنفسك
نفسي تتبدل هالكلمات ويصيرو يسالو عني ايش ناقصني يجيبو لي شي من مااطلب
أنا اعرف ان اهلي مالهم غيري
بس بنفس الوقت ماابيهم ينسون أني بنتهم
وينسو يهتمو فيني
ابيهم لما اقول ماتقدر يصدقون
مو يعملو مشكله وكانو اجباري اسوي هالشي
يعني يقهر لما أشوف خواتي الي اكبر مني ماعليهم اي مسؤليات
وانا مسؤليات في الدوام وبعد مااطلع من الدوام ولا احد سائل فيني