أكلة سريعة / مسقعة الباذنجان بالصور
السلام عليكم ورحمة الله وبركاته
نبدأ بالمكونات :
باذنجان مقطع شرايح وقشره الاسود تشيلين منه شوي بتلاحظون في الصور ان الشرايح ما تكون مغلفة بالقشر كامل
بصل
ثوم
طماطم مفروم مكعبات
ملح
فلفل أسود
مكعب ماجي ( ويمكن الاستغناء عنه واستتبداله ببهار مشكل خفيف )
طريقة العمل :
أولا: نقلي الباذنجان عندنا طريقتين
طريقة صحية وطريقة لا
الصحية :
قطعي الباذنجان شرايح وحطيها بصينية فرن وادهني الصينية بشوية زيت والباذنجان بشوية زيت ودخليها الفرن لغاية ما تستوي
الغير صحية :
تقلين الباذنجان بزيت غزير وطبعا غير صحي لان الباذنجان طبيعته تشرب زيت كثيييييييير
في قدر ثاني
تحطين شوي زيت ثم تحمسين البصل بعدها بشوي الثوم
ثم أضيفي الطماطم
اضيفي الفلفل الأخضر الحراق وملعقة معجون طماطم
واتركيه يتسبك شوي
طبعا تكونين انتهيتي من قلي الباذنجان
اضيفيه الى الخليط بعد ان تسبك وقلبيه شوي شوي لانه يتفتتت
النتيجة
طبعا غرفته بسرعة وصورت بسرعة وآسفة شكله معفوووووس لأني سويته لخالي وجوعان وغرفت بسرعة
بس ما عليكم رتبته بالاخير
سويت معه
بيض عيون
وصحن خضار بدون تقطيع بصل جرجير وليمون
وخبز لبناني حار اذا كان جديد بتطلع الأكلة أحلى
واذا ما عندك خذي الخبز اللي عندك وسخنيه على عين الغاز على الوجهين للخبز , راح تطلع طريه كانك جايبتها الآن من مخبز
وسلامتكم طال عمركم
__________________
يَا ذِكْرَيَاتِ الصِّبَا عُودِي لِذاكِرَتِي
فَقَدْ يَجِدٌّ إِلَى لُقْيَاهُمُ أَمَلُ
26-06-2011, 06:33 AM
ضوابط المشاركة
العرض الشجري