بالنسبة لأهلي ما عندنا شي اسمه اضطهاد ذكوري ولله الحمد ,عادي اطلع اي مكان مع اهلي بدون اي قيود في حدود الشريعه طبعا.. على عكس احدى صديقاتي اذا طلعت للبحر او البر يكون الزامي جلوسها مع اهلها ولا تتحرك لا يمين ولا يسار ولا تقوم تتمشى ولا شي,وطول الوقت مشغلين عليها مرااقبه لو تلتفت ورا ممكن تنصفق,وحتى مسميات بعض الملابس النسائية ممنوع يتكلمون او يطالبون فيها حتى ..
رأيت اضطهاد ذكووري في ازواج اخواتي ,وكانت وحده منهم مستعبده من زوجها ,حتى مكالمات الجوال كانت لآزم تاخذ منه اذن عشان تكلم, زيارات للجيران ممنوعه,,بأختصار صاير هو معلم وهي تلميذه,لآطلعات ولا تمشيات بحجه ان الي تروح تتمشى بالسوق حتى لو مع زوجها هذي وحده ما تربت وقليلة ادب, ولو شاف وحده من البنات طالعه من مجمع تجاري يجلس يسب ويسخط ويلعن اهلهاويسب بتربيتهم, كأنه هو الولي على بنات خلق الله, مسكينه معيشها بسجن من دوامها الى البيت ومن البيت الى بيت اهله فقط,,
اختي الثانية كان زوجها لآ يصرف عليها ولا على اولآده بحجه انها موظفة !! وفي يوم تمادى عليها وضربها قدام الشغاله وردت عليه بكف ثااني ,, ومنها هجد وعرف ان الله حق ولا عاد تطاول عليها ,, وكان هذا اخر لقاء بينهم ما عدى المحاكم وتم طلاقها ولله الحمد, فالمرأة كرامتها لآ تقبل ان تعيش مع بعض الرجال اشباه البهائم,,
واتووقع ان الحل مع المجتمع الذكووري (( المعاملة بالمثل)) >>> وجهة نظر فقط
__________________
[SIGPIC][/SIGPIC