احبه وتغير عليه يكون كرهني بعد زواجه
السلام عليكم ورحمة الله وبركاته تحيه لجميع الاعضاءواسفه على انقطاعي لكن يعلم الله انه بسبب ظروفي طبعا ما استغني عنكم في النصح والمشوره اذا متذكرين موضوعي اللي طرحته قبل فتره انه زوجي تزوج واحده ثانيه وانا تعلقت به بشكل مو طبيعي كاني اعيش قصه حب بس لاسف من طرف واحد المهم انه تغير علي بشكل كبير رغم انه قالي ماراح اتغير عليكي انت قومي بواجباتك وفعلا سويت زي ما قالي لكن مع الوقت بدا يهملني حتى وانا قاعده معاه يكون لاهي في النت ولايكلمني بس اقوم بطلباته وهو ساكت واذا قلتله انت تغيرت يعصب ويسمعني كلام ماكان يكلمني بهذي الطريقه من قبل ومن حوالي شهر تغير عليه حتى في الفراش على فكره هو من النوع اللي رغبته قويه لكن من شهر قلت العلاقه الجنسيه بيننا وصار اذا جا يستعجل عشان يخلص بسرعه قبل ما ترتخي الرغبه عنده بعدها صار يقعد سبعه ايام ويجيني مره واحده وهو ما كان زي كذا كان من قبل بس يشوفني على طول ما يمسك نفسه الحين اقعد بالايام مايطالع في وجهي ولا يكلمني ولا يهمه اكون فيه والا لا رغم اني البس واراعيه اذا جا من برا مع العلم انه لسا ما تزوج بس يكلمها وبينهم رسايل الحين صار تقريبا كل عشرين يوم يجامعني مره وانا ماتعودت منه على كذا احس بحبه ذبحني وهو مومصدقني يقول غيره واهملني كاني موموجوده وقصر في حقي في الفراش مع العلم انه نهاية هذا الاسبوع يبغى يسافر الجنوب عنده انتداب لمدة شهر رغم انه من قبل كان ما يحب يروح اي انتداب حتى لو كان اسبوع لانه ما يقدر يتحمل هذي المده من دون معاشره قولولي كيف اتصرف وتغيره هذا طبيعي يعني لانه لسا في فترة الخطوبه وبعدين يرجع والا يكون كرهني ساعدوني الله يجزاكم خير واسفه على الاطاله