افيدوني ،هل انا تسرعت بقراري هل يقع علي خطا!
السلام عليكم ورحمه الله وبركاته
حابه انكم تفيدوني بارائكم .. وحابه تشوفون هل انا تسرعت ولا ظلمته ؟ 
انا انخطبت على ولد عمي مرتين بالمره الاولى رفضته وتقدم للمره الثانيه كنت في بداية الامر مو راضيه على الخطبه على اعتبار اهله ما يحبوني لكن هو رغبان بالزواج مني وابوي ضغط علي وحاول يقنعني ومن كلام ابوي عنه واخواني واهلي كلهم حسيت انه بيسعدني باذن الله وصليت الخيره ووافقت
الان باقي لي شهرين واكمل سنه على خطبتي وهو حدد زواجنا بالسنه الجايه.
هو ما بدا يكلمني الا خلال الاربع او الخمس شهور وانا معه بصراع وناقش لان شخصيته تختلف جدا عن شخصيتي
انا عنادية واحب اتفلسف بس احس اني صبوره وحساسه جدا
هو انسان متسلط واحسه معقد دايم يكرر علي كلمه انا ابيك تطيعيني طاعه عمياء وما احب كلمه لا ولا احبك تناقشيني باي شي اقوله هو بمدينه ثانيه يشتغل ولما يجينا زياره لي ولاهله احسه لازم يتزاعل معاي ؟ اقول بنفسي هو ما يبي يكلمني قدام اهله ولا شنووو ..؟ على اعتبار انه اخواته يعشقونه
مجرد ما يفتح نقاش بينا او حوار فيه نقاش او ما يكون كلامه يناسبني دايم يعصب ولما يعصب ولا يزعل يجلس يتمسخر على كلامي وما يحترمه مثلا يقول لا والله اهاا من جد ايه صحيح
وانا كرهي موتي احد يتمسخر على كلامي مو مقتنع قول اما مسخره لا
ولما يقول لي لا واقول ليه يصارخ كنت اسايره باسلوبي واحاول افهمه واتناقش معه واوصل له تضايقي من كلامه وكنت دايم اقوله ان فتره الخطوبه المفروض ما تكون فيها مشاحنات بس اشوفه مصمم على رايه ولا يمكن يغيره
وكنت دايم احاول اساير واخلي الحياه تمشي ولا عمري رفعت صوتي عليه او تهاوشت معه مو ضعف مني بس كنت اقول ببالي الحين مقدر اتعامل معه يمكن لا تزوجته واكون معه اقدر اتصرف بطريقتي كأنثى
لكن قبل اسبوع دق علي ومنعني من ورحه وهو لسى مو من حقه يمنعني ولا يقول لي لا تروحين ولا روحي لاني لحد الان ببيت اهلي واحس لا تروحين ولا روحي مو وقتها الحين فتره حب كلام حب رومانسيه
وقلت له اني اخذت الاذن من الوالد وكنت قايله له اني عروس ولازم ادبش بس هو عصب وقفل وزعل يومين
وكنت استخير خلال الفتره ذي وادعي اذا فيه الخير ربي يسر واذا فيه الشر يبعده عني
وبعدها اتصل تمسخر فيني ورفع صوته علي وقال لي اني بدون عقل ويشوفني طفله ودخل قريباتي بالسالفه على اعتبار اني رحت معاهم وبدا يستهزا فيني واني اخذ الاذن منهم واني واني واني .. وقال انه ممكن يقفل السماعه بوجهي طبعا هذا مختصر المكالمه
انا خلال المكالمه ما رديت ولا رفعت صوتي واكتفيت بالصمت ولاني كل ما حاولت اتكلم احس بنبره كلامه استهزا فكنت اكتفي بالصمت
ولما قفلت منه جلست افكر كيف بعيش حياتي معه كيف راح نتوصل لحل لو صارت بينا مشكله حقيقيه صرت خايفه اكمل معه واتخذت قرار الانفصال لاني حسيت ان كرامتي انهانت وما اقدر اكمل مع شخص اهان كرامتي وشخصيتي
وكلمت ابوي واخوي وحاولو يتاكدون من قراري وقلت ايه مابيه مقدر اعيش معه وكلموه وكان اسلوبهم مافيه رجعه واثناء ما هم يكلمونه كنت متوتره كنت اقول ان شاء الله ما ظلمته وكنت حابه اشوف رده فعله اذا هو يبيني فعلا ولا لا
بس رده فعله كانت كبرياء وزعل على اعتبار انه ولد عمي ولما قالو له انك بطور اختبار زعل وقال بنت تختبرني وقال اوكي وصل جوابكم ان بنتكم ما تبيني وانتظروني راح يوصلكم جوابي
انا مرتاحه ومتوتره بنفس الوقت خايفه منه وما كنت احب اني انخطب واكون امام الناس مخطوبه ومحدد زواجي وارجع ينقال علي مطلقه او فاسخه خطوبتها
والموضوع له تقريبا اسبوع وهو ما رد ولا رجع اتصل ولا حاول يكلمني حتى ولكن خلال الاسبوع جاه ابوه وكلم ابوي وكانه هو اللي بيتزوجني جلس يقول مهره تردونه وانا اللي اجيب ورقتها ومن هالكلام
يمكن سبب توتري لانه الموضوع ما انتهى لا بصلح ولا بفراق ..
وتبون الصدق انا انصدمت من رده فعله توقعت انه يكلمني لانه على كلامه ما يقدر يعيش بدوني 
يلا مجرد كلام
لو يبي يفصل بيكون خيره لي وخلاص برتاح لكن لو حاول يصلح انا هنا توترت مو عارفه اوفق على صلحه ولا اتركه وربي يعوضني ,,,...!!!!!!!!؟؟؟
هل انا تسرعت بقراري هل يقع علي خطا!
انا محتاجه المشوره والراي السديد
التعديل الأخير تم بواسطة وردة بين الثلوج ; 08-06-2011 الساعة 03:51 PM
08-06-2011, 08:21 AM
ضوابط المشاركة
العرض الشجري