نفسيتي تعبت يارب فرج همي .!
السلام عليكم ورحمة الله وبركاته
كيفكم ؟
ترددت كثير بطرح مشكلتي بس خلاص نفسيتي
تعبت وكرهت الدنيا
خلصت الثانويه العامه وماانقبلت فالجامعه ولا كليه
ولا شي بسبب الأكتفاء ؟!
وماعندي فلوس ادرس انتساب او ادخل دورات
بسبب ظروفنا الماديه السيئه
ابويا كبير فالسن ومايشتغل ويصرف من الضمان الاجتماعي اللي مايقدر يوفرلي أي شي أبغاه
سِوى تسديد الإيجار حق الشقه بـ 18 الف والمعيشه والفواتير
انا نفسيتي مره تعبانه وعزيزة نفس
ماابغى اخذ من احد شي واتمنى اتوظف
وظيفه راتبها لو 3000 ريال واعز نفسي
واهلي واساعدهم لو بشي بسيط
واشتري اللي احتاجه قبل اللي اتمناه ماابغى اقدم
على جمعيات خيريه وغيرها
لانها كلها كذب وكذا مره امي تروح ويطردونها
والموظفه تقفل الباب فوجهها
وترسل الفراشه اللي على الباب بـ تمر ودجاجه
واحنا مو بحاجة دجاج وتمر الحمدلله
بحاجة الماده والسكن وانا مستحيل اذل نفسي
واروح للاماكن هاذي
ابي وظيفه من غير محد يمن عليا بشي
معقوله محد يسوي شي لله نزلت موضوع
فمنتدى ثاني محد يساعد لله
البعض يبغى مقابل والاستغلال عشان انا بنت
حتى خرجات من البيت مانخرج بسبب ظروف المواصلات
وكرهت كلمة ماعندنا فلوس وكيف نشتري لك
كرهت البيت وطفشت ومليت حتى نفسيا تعبت
لياا سنتين لا وظيفه ولا غيره
ياليت تساعدوني وانا من المدينه المنوره واللي
يقدرر يوظفني يرسلي على الخاص
واللي مايقدر يساعدني لو بدعوه حلوه تفرررحني وتشيل عن قلبي شويا من الضيقه
الله يفرج همي وهمكم
02-06-2011, 07:37 AM
ضوابط المشاركة
العرض الشجري