لسان زوجي حاد كالسكين .. أعطوني حلا"..
[B]
السلام عليكم ورحمة الله وبركاتة
تشجعت أكتب مشكلتي بعد ماشفت الردود الطيبة اللي صارت مع مشاكل غيري
أنا سجلت في المنتى عشان أسمع نصايحكم الحكيمة
مشكلتي مع زوجي طبعا
أنا متزوجة من خمس سنوات وعندي طفلين ولد وبنت
زوجي عصبي لدرجة الجنون .. أتفة الأسباب يعصب عليها
ملاحظاتة دقيقة دائما ينتقدني لا أسمع منه إلا النقد .. دوامة من السبت إلى الأربعاء في مدينة ثانية غير اللي أحنا عايشين فيها
يعني يكون عدي من الأربعاء الظهر حتى فجر السبت بعدين يروح لشغلة الله يوفقة
بس من يجي يوم الاربعاء وهو ينتقدني ويصارخ علي وسب ولعن فيني وفي أهليكلهم ماعندة أحترام لي ولأهلي بعطيكم أمثلة على بعض السب : أنتي يابنت الكلاب يابنت الملاعين يالكلبة يالزبالة ياواطية يا منحطة لاحظوا هذة بعضها بس
مع العلم أني على قدر كبير من الأخلاق و التربية و زوجي يدري بهذا الشي وهو قال لي بنفسة أني مؤدبة وخلوقة من يوم ماتزوجنا .. مع العلم بأني أذهب إلى بيت أهلة كل أسبوع وأحبهم و يحبوني و مابيننا إلا كل الإحترام والتقدير بس زوجي مايحترم أهلي قدامي بالمرة .. طبعا زوجي مايزور ولايسلم على أهلي إلا من عيد إلى عيد و نادرا إذا وصلني بيت أهلي يشوف أبوي أو أخوي بالصدفة عند الباب فيسلم عليهم .. طبعا زوجي قدام أهلي محترمهم وبيني وبينة مافية إلا سب ولعن
طبعا أنا واجهتة وقلت لة أحترم أهلي مثل ماأنا محترمة أهلك وقال لي أنة يقول كذا عن طريق المزح مو من قلبة .. بس أنا لم أتقبل هذا الشيء
على فكرة أنا أقوم بواجباتي المنزلية والزوجية على أكمل وجهه يعني يجي من العمل ويلقى بيتة وزوجتة وعيالة نظاف ومعطرين والغداء جاهز وملابسة نظيفة ومرتبة وكل طلباتة مجابة وما اقول له إلا إن شاء الله و بين فترة وفترة أسألة تأمر على شيء حبيبي تبي شيء وإلا يبية يجية لحد ماهو جالس على السرير أو في الصالة .. على فكرة زوجي يشتغل مدرس للمرحلة المتوسطة ويعاملني كأني أحد طلابة
يعني مثلا : قبل وقت النوم بحوالي ساعة في الليل أكون أنهيت بعض الشغلات الخفيفة لأن بيتي نظيف أسألة تبي شيء حبيبي ويأمرني أبي ساندويش جبن وحدة وأنا أن شاء الله وأنفذ وقبل لا أجلس سوي لي وحدة ثانية وأنا إن شاء الله و قبل لا أجلس جيبي لي عصير أو بيبسي أو ماء بارد و أنا طبعا أنفذ برحابة صدر.. و بعدين جيبي لي بطاطس شيبس وأنا أجيب لة بدل الوحدة ثنتين .. وقبل ماأجلس يقول لي بنبرة صوت مرتفعة .. لحظة لحظة لحظة مين قالك جلسي خلك واقفة ( في هذة اللحظة أحس أني جالسة في الفصل ) يكمل كلامة جيبي لي كيت كات وأجيب لة أثنين ويقول وش قصدك دبي ؟ أقول له لا ( لأن جسمة عاجبني مع أنة فية كرش ) بس أحبة و أموت فية و ماأقدر أعيش من دونة الله يخلية لي و لعيالي .. وأخيرا يجي الأفراج بعد مايستلم طلبة .. يالله خلاص جلسي .. ترى بقومك بعد شوي .. وأقول له إن شاء الله ..
المشكلة لما يوصل البيت الأربعاء يسوي جولة على البيت ويبدأ في النقد ليش ماحطيتي هذا هنا .. ليش غيرتي مكان هذا مثلا 
المجسمات الزينة حجمها صغير وأحنا حاطينهم فوق التلفزيون .. والله والله إذا شافهم متحركين من مكانهم 1 سم أسمع أنواع السب و التعليقات الجارحة اللي تخليني دائما أبكي على أسباب تافهه .. أرد علية و أقول له أنا مسحت التلفزيون و منظفة شيء طبيعي بشيلة وأرجعة ..
و الحين صرت دقيقة أكثر و أرجع كل شيء مكانة بالسانتيمتر .. ومع ذلك لا أسلم من تعليقاتة و تجريحة القاسي و الله إن تجريحة لي أحد من ألم جرح السكين بالنسبة لي .. طبعا هو مايهمة ولا يتأثر نادرا مايشعر بأن اللي سوا كان خطأ
مرة وهو في عملة قعد يسب فيني على مواضييع تافهه كالعادة وكان هذا بعد منتصف الليل وقال لي لا ترسلين لي وتقولين مشتاقة مشتاقة او تتصلين علي .. وأتصل علي في اليوم الثاني ولقى جوالي مقفل لأنة مافية شحن .. طبعا كالعادة دائما يسيء الظن فيني بعد ماشحنت جوالي وفتحتة ليش مقفلة جوالك يابنت الكلاب قلتلة جوالي مافية شحن وتوي شاحنتة .. قال ءءءأأأمممم فكرتك مقفلتة ماتبين تكلميني .. زعلان العسل .. ماتبيني أنتي .. قلت له : أبيك أنت اللي ماتبيني يقول لي أنا أبيك ومن هذا الكلام ..
مع العلم أنني على قدر عالي من الجمال و الأناقة في لبسي و مكياجي .. طبعا أنا أسامحة على طول ماعندي وقت
صارت مشكلة اليوم لأني متفقة معة من الليل أني أجهز جوالي الجديد عشان يجي أخو زوجي ويأخذة يركب فية برامج .. طبعا زوجي في العمل.. وجاء الصبح و اتصل وأنا نايمة بس الجوال مادق مع إن الجوال مش صامت يمكن النغمة منخفضة جدا جدا أو معدومة لأنة جوال جديد ماتعودت علية المهم أنا ماسمعت النغمة .. وأنا نومي خفيف شكلة ما رن مع أن المكالمات كثيرة بعدين سمعت صوت الباب ورحت بسرعة و عطيت أخوة الجوال في الصباح
جاء وقت الظهر ورسلت لة أكثر من رسالة إعتذار واني مش قصدي و مدري كيف صار كذا سامحني لا تعصب علي أرجوك أفهمني ولو مرة
اتصل العصر وهو يسب ويلعن كالعادة وقال لي انتي مفشلتني أول مرة يقول لي كذا .. الصراحة حز في خاطري حيييييييييييييييييل أفكر ماأرد علية إذا أتصل أو إذا جاء بكرة ما أستقبلة إستقبال حار مثل كل مرة
بقول لكم شيء أنا أشتاق له كثير في غيابة و وجودة لأنه دايما بعيد عني بجسمة وعقلة أنا أبي أحضنة فترة طويلة زوجي يبيها خفيفه وإذا حظنتة نصف دقيقة أو أكثر شوي يتأفف مني .. لا يحب أن أقبلة أو أقول له كلام حلو ومعسول ويتضايييييق جدا إذا أرسلت له رسائل حب و شوق وغرام ويتصل ويسب فيني لأني أرسل لة كلام حلو .. يقول المحبة في القلب مش بالكلام
إذا جاء الأربعاء من عملة يتغداء وبعد الغداء يجي العصر وأنفذ طلبة لأني مشتاقة له أكثر مماهو مشتاق لي
بس يوم الأربعاء في الليل والخميس وا لجمعة مايقرب مني أنا اللي أتحرش فية عشان يجيني
لأني أحس بفراغ عاطفي كبير في وجوده وغيابة
أنا آسفة طولت عليكم بس بالله عليكم وش الحل مع رجل مثل زوجي عصبي حاد الطباع دقيق في كل شيء أي مشكلة بسيطة يقلبها نكد و يقول لي أنا النكدية هو اللي يسب ويلعن و يصارخ و يقول أنا اللي أنكد علية
والله الصراحة مشكلة
يقول لي أنتي إذا جاء بداية يوم الأربعاء تصيرين نكدية إلى يوم الجمعه وهو الي ينكد علي
أنا مليت من تصرفاتة السيئة معي و أحيانا مع أولادة
أرجوكم أفيدوني .. أنصحوني .. وجهوني .. جزاكم الله ألف ألف ألف خير
أنتظر ردودكم فلا تتأخرو علي .
[/B]
التعديل الأخير تم بواسطة om abdlah ; 24-05-2011 الساعة 09:44 PM
24-05-2011, 08:52 PM
ضوابط المشاركة
العرض الشجري