حااااااولت وربي اننا ننقل من البيت .......بس مدري وش فيه راااافض
وهو اصلا من الحين يقول روحي لاهلك اقضي الفتره الجايه عندهم ...
الحين انا بالسابع .. يعني يبغاني اجلس السابع والثامن والتاسع وكمان بعد الولاده لين اخلص الاربعين

وهو يجلس هنا في بيتنا عشان دوامه ...

ملاحظه : احيانا اقول يمكن جاء مني قصور ..... وصارحته بهالشي ... قلت سامحني اذا اخطيت بحقك والا ضايقتك .. واي تقصير مني علمني باذن الله احاول اعدله .... قااال ماجاء منك قصور الله يعطيك العافيه
وربي اني ادور راحته في كل شي .. واني اضغغغط على نفسي واكووون احيانا تعباااانه وثقيله مع الحمل لكن ررررغم هذا ما اقصر عليه بشي
اقوم معه الصباح لدومه اجهز ملابسه ومشطه وعطره وفرشاه اسنانه ومفاتيحه وكل شي .. عشان يقوم يلقاها جاهزه .... واذا طلع اذكره بدعاء خروج من المنزل واقوله كلمتين حلوه ..
واذا جاء الظهر يلقى البيت نظييييف ويلقاني مجهزه له الغداء ومجهزه ملابسه اللي يلبسها في البيت
على بال ما اجهز الغداء اعطيه موويه باااارده والا عصير عشان يروق
وبعد الغداء اسوي له مسااااااج في كتوفه ورجوله وظهره عشان يرتاح ..... ينااام بعدها
واذا قام المغرب يلبس ملابسه ويروح لاصحابه .. من المغرب لييين 12 الليل او 1

وانا اجلس ارتب والا اغسل والا اكوي .... مايجي من برى الا كل شي نظيييف وملابس دوامه جاهزه
ينام .... ويقوم الصبح للدوام .....

وعلى ذا الحاااال ...... طفشت من الجلسه لحالي ... وربي زهقت
بس عشانه اتغاضى عن هالشي واقووول معليه خليه ينبسط

هو طييييييب معااااي .. ويستااااهل اللي اسويه عشانه

لكن

ترى عشااان كذا حدتني الظرووف على جااارتي ذي .. لاني اجلس لحالي طووول الصباح
ومن المغرب ليييين 12 او 1 بالليل ..<<< وحامل وتعبانه محتاجه احد يونسني بس اااا ه ه ه
وماعندي احد اعرفه .

وهي دايم تقولي انتي غبيه ... صايره له مثل الشغاله ... ليه مايجلس معاك ... هاوشيه قولي تراني زوجتك ماني شغاله اذا كنت تبي شغاله روح مكاتب الاستقدام وبتلاقى وحده تخدمك .... اجلس معاي في البيت .. صارخي عليه .. قولي انا ماجيت من بيت اهلي بس عشان اخدمك انا محتاجتك معي انا في غربه بعيده عن اهلي ...طبعا ذا اليوم كنت مرررره متضايقه منه وشكيت لها .. ومع الززعل سمعت نصيحتها
وليتني ماسمعت كلامها ... انقلبت الامور ضدي .... الله يسامحها

الله يعين ويفرجها من عنده

مشكوووووره اختي على تفاعلك معي ... ربي يسعدك