زوجي يجرحني و يريدني اسامح
السلام عليكم..
..متزوجة من 3 سنوات , زوجي ولله الحمد اخلاقه تمام
مشكلتي مو قادره انسى كلام زوجي الجارح ..البارح بالليل
قالي من يوم شفت معرفك بحدى المنتديات وانتي مو عاجبتني وراك شئ ..وربي يعلم ان اسمي عادي ولاادري اذا هو يعني لشئ او لا
الاسم (مفقوعه) والله ماخترته الا علشان كل ماحطيت اسم صار متكرر قلت احط اي اسم خربوطي اهم شئ يفتح الرابط , طبعا الرابط تعليمي يخص امور التدريس ..
والشئ الثاني : جلوسك الطويل على النت يرمي لشئ << طبعا ما طولت بالجلسة الا يوم واحد وهو اليوم اللي ماعندي فيه شغل والباقي مشغوله ماطول عليه
الشئ الثالث : طبعا قبل سنة كنت ابغى اوراق تخص دراسة الماجستير لقيت موضوع بالمنتدى يخص هالشئ وسالتهم كيف احصلهن ,ارسلي حداهم بانه راح يحطها عند مكتبه وانتي خوذيهم ..
طبعا انا خبرت زوجي من باب انه مافي حواجز واسرار بين الزوجين وقلت له كذا وكذا ,,واثقه منه
قال من ذاك اليوم وانا تراسلينه وانتي ماعجبتين ..
طيب ليه ما قالي من يومه .. ليه ماقال لي لاتردين عليه ؟؟؟ علامات واستفهامات براسي ..
غيركذا بيروح يسافر برا مع اصحابه للوناسه ورافض يسافر بي برا <<طبعا رابع سفره له
مقهووووووره معتبرته مفتاح لاسراري واشاوره بكل شئ وبالنهاية يشك بي ..
بعد ماشافن ابكي تاسف ,,بس وش يفيد الاسف والقلب مجروح ..
القهر اني فاتحه له قلبي وكل شئ يخصن اعلمه ..
يسالني اذا رجعت السوق هل في احد تحرش بي او لا ؟؟ اقوله لا يقول :أكيد ؟؟؟
علما بان عبايتي ساتره ولا اروح لوحدي لازم خواتي معي ..
..
التعديل الأخير تم بواسطة أم داليا ; 22-04-2011 الساعة 12:08 AM
السبب: توضيح العنوان
21-04-2011, 10:08 PM
ضوابط المشاركة
العرض الشجري