خايفة من المجهول..
السلام عليكم..
هذا اول موضوع لي بمشكلة تخصني
بصراحة اعرف ان الي سويته غلط لكن مشكلتي طويلة واتمنى احد يفهمني..
انا تعرفت على واحد قبل 3 سنوات وهو وعدني من زمان يخطبني هو مخلص دراسة ويشتغل موظف حكومي وراتبه ما شاء الله بخير
بس المشكلة هي ان اهله مو موافقين يخطبني وكانوا يبونه يزوج وحدة من اهلهم وسبب رفضهم لان هو من بلد ثاني انا خليجية وهو عربي بس موخليجي
المهم ان صارت كله مشاكل بينه وبين اهله على هالسالفة ويحاول دائما يقنعهم ويقعد وياهم بس ميبسين راسهم ومو راضين وصار له فترة مايقعد في البيت يسلم عليهم ويطلع للشغل او ويه ربعه
المهم ان اهلي ادخلوا في الموضوع قبل 9 شهور تقريبا
اخوي الكبير بصراحه احترمني وكلمني وهددني ان اذا كلمته مابيساعدني عشان اخذه
وقالي لاتكلمينه لحد ما ان يتصل فيني واحسه جاد
وفعلا الولد اتصل فيه بس اخوي مارد وقالي ان كان مشغول
ولاني كنت خايفة اخسر الولد ماكلمته وقطعت كل علاقتي فيه لمدة 5 شهور وتعذبت وااجد
بعد 5 شهور دخلت المسن وشفت منه رسالة وحدة بس!
وكاتب فيها الله يوفقج بحياتج!!
انا رجعت اكلمه وفهمته اني ابتعدت عشان صالحنا بس هو كان معصب بس بعدين تصالحنا ورجعت اكلمه تقريبا 3 شهور
والحين ندمت كللش لاني خنت ثقة اهلي من جديد
السبب ان قبل شهر كانت اخر مرة كلمته فيها وقالي كلام جدا جارح مع ان ماكان فيه مشكلة بينا
ظل يغلط وفي النهاية قالي كلشي امر فيه بسببج وينعل اليوم الي عرفتج فيه سويتين لي مشاكل ويه اهي وامي وابوي جنتي وناري مااكلمهم ولااسمع كلامهم عشانج انتي ماتستاهلين و......الخ
انا انهرت صراحه والي زيد المي هو ان اختي قبل اسبوع بس قالت لي ان اخوي اصلا مارد عليه رغم اتصالاته ولايبي يكلمه لان كان على علاقة فيني 3 سنين من وراهم
يعني اخوي جذب علي ووعدني ان يساعدني بس الحين عرفت ان 9 شهور الي تعذبت فيها كان يبيني انسى الموضوع مو ان افكر في هالرجال
الي قهررني صراحة ان كل هالمدة كنت عايشة على امل ماتوقعت ان كان يجذب علي
صدق منهارة لان الي حبيته قالي هالحجي وطلع وبالمرة ماسال واخوي جذب علي
احس مااقدر اوثق في احد خلاص
بصراحة ان صرت ادخل المسن كل جم يوم عشان اتاكد حتى مايدخل من فترة ومارسل ولا شي في هالشهر
خايفة ان يكون صدق تركني وكان يلعب بمشاعري طول هالوقت!!
بالاضافة الى ان في واحد متقدم لي واهلي عاجبنهم بس للحين يسالون عنه عشان يشوفني ومقابلة مع اني مااعرف ليش وافقت ان يجي وادخل وياه مقابلة
ادري ان مشكلتي معقدة لكن اتمنى الحل هل اوافق على الي متقدم لي واخاف اظلم الشخص الي حبيته
او ان انتظر كذا شهر واذا ماشفت من هالشخص لا رسالة ولا شي افكر في الزواج
انا خايفة ان اظلم نفسي او اظلم الشخص الي حبيته او اظلم شخص ثالث ماله ذنب وهو الي متقدم لي وخصوصا ان اهلي هالمرة ضاغطين علي بالموضوع
ارجو مشورتكم ومساعدتكم وخصوصا الرجال وربي يفرج همومكم ومشكورين مقدما..
التعديل الأخير تم بواسطة عمري ماأنساك ; 19-04-2011 الساعة 11:39 AM
19-04-2011, 11:35 AM
ضوابط المشاركة
العرض الشجري