السلام عليكم ورحمة الله وبركاته .. انا اقول للأخوات شوي شوي على الرجال تراه يتيم .. واما اليتيم فلا تقهر .. لا تجلسوا تزيدوا همه هم .. وانت انفعالي وانت قاسي ومن هالكلمات الي مالها داعي !! .. خلوا نصحكم وانتقادكم احترافي اكثر .. ومثل مايقول المثل ( الي يده بالنار غير الي يده بالماء ومايحس بالنار إلا واطيها ) ..وما اعتقد انكم بتكونوا أحن عليها منه .. وهو الي حبها وقدرها وكانت في يوم من الأيام زوجته وقدم لها الغالي والنفيس وماقصر وصبر معاها كثير وبإعتراف منها ! .. اذا البنت فعلاً محسودة ليش تقوله تعبي ماله دخل بأني ما ابيك !! .. يعني سواء تعالجت من العين ولا ماتعالجت انا مابيك ؟! هالكلام غلط بصراحة .. واعتقد العين ماتسلب الانسان عقله بحيث يوصل فيه الوضع يقول هالكلام .. لو انه سحر بنقول معليه معذوره والكلام الي تقوله خارج ارادتها بس بناءاً على قراءتي لموضوعها السابق اعتقد ان لديها الادراك التام والقدرة على التفكير السليم وبإمكانها تصبر عليه مثل ماهو صابر عليها .. عموماً انا بكل الاحوال ما اشجع على الطلاق والأخ الكريم رجل عاقل وانسان صبور وواضح من كلامه انه ضحى بالكثير طوال عمره سواء مع اخوه وحتى مع زوجته وعنده الاستعداد دائماً للتضحية اتمنى منه ان يريح اعصابه وياخذ وقته .. وياليت يسافر مكة عشان يهدأ وبعدها يقرر اذا بيرجع لزوجته السابقة .. او يكمل حياته .. واتمنى تذكر حديث الرسول عليه الصلاة والسلام : ( احمل اخيك المؤمن على سبعين محمل من الخير ) .. احمل كلام زوجتك على محمل من الخير وإلتمس لها العذر .. قد تكون زلة لسان .. قد تكون تتغلى عليك .. وبالأخير هذا قرارك والي يناسبك سوه .. والانسان ماياخذ الا نصيبه بهالدنيا .. الله يوفقك يارب ويحميك ويفتح ابواب السعادة امامك ..


تحياتي ..