السلم عليكم عزيزاتى......
الصراحه انا حاسه ان قلبى مشحووون وماودى افضفض لاهلى لانى ماابى مشاكل
بس ودى اتكلم بصراحه من غير اد يعرفنى
انا بنت ولصت ل عمر 31 سنه طبعا الله ماكتب لى الزواج فى عمر صغير ... طبعا تقدم للى واحد مطلق وله بنت عمرها 7 سنوات ... طبعا البنت تنام عند امها بس طول اليوم عند ابوها يعنى عندى بالبيت .. يعنى اكلها ولبسها ودراستها كلها عندى بالبيت ... وانا جدا مستانسه واحب البنت مووت ... بس يا بنات زوجى ما يحسسنى بأهميتى عنده ... دايما يتكلم عن ام البنت وما يقول طليقتى دايما يقول زوجى كانت تحب هالعطر وزوجتى كانت تحب هالمكان وبنتى طالعه على امها فى كذا فى كل جلسه لازم يتكلم عنها ... وانا كثير اطنش وماعدت استحمل احس انى مو مهمه عنده .. او تزوجنى بس عشان اهتم فى بنته ... حتى امس طلعنا وتسوقنا وشرا لى اغراض وعطور الا يشوف عطر يقولى زوجتى سابقا كانت تحب هالعطر خذيه .... انا حسييييت انى بنفجر سكت ومشيت ولا كأنى اسمعه .. المهم ركبت السياره قلت له ممكن اتكلم معاك فى موضوع .. قالى امرى حبيبتى قلت له انت تجرحنى من غير ما تقصد احنا من تزوجنا من شهرين وانت كل تتكلم عنها ممكن ما تقولى اى شىء عنها وتعطينى مجال اعيش بهدؤ فبيتى وحياتى الزوجيه ,, هى خلاص راحت بحلوها ومرها قالى هذه ام بنتى ولى عشره معاها .. انا اهنى قمت اصييح لانى توقعت بيقولى انا اسف وما راح اتكلم .. بس حسيت انه ما راح يسكت ... المهم اليوم الصبح سويت له فطووور .. الا قال كلمه خلتنى ادوخ من القهر قالى بسوى لك بيض نفس ما فلانه كانت تحب ... حتى فى الاكل تذكرها والله كنت بدوووخ ... يارب رحمتك مو مستحمله كارهه نفسى احس انه لازال يحبها على الرغم انى مدلعته وكلام حلو ولبس وطبخ وتنظيف حتى مره قالى انا سابقا شقتى كانت وصخه وانا دايما انظف واشيل ملابس زوجتى المرميه كل مكان حتى ملابسها الداخليه ويقول ما كانت تقعد بالبيت ... طيب ليه تجرحنى يا زوجى ليييه ... والله اقول لكل رجال مطلق وتزوج مره ثانيه لاتقارنون حياتكم السابقه بالجديده والله حرام احس ماراح يحس بفرحه اول مولود راح يجينى ولا بيحس بطعم الزواج لان مجرب من قبل وانا كلشى اول مره بالنسبه لى ودى اعيش نفس بقيه البنات من غير انى احس فى احد ثانى فحياته