أخبرتها البارحة بأن عقدي سيكون يوم الأربعاء (مستجدات 304 )

02-02-2011, 12:49 PM

#11

انفاس العطور

عضو مميز

تاريخ التسجيل: Dec 2009

المشاركات: 979

اخي المحتار

اسلوب زوجتك ذكرني باسلوب احدى صديقاتي

كانت دائما تشعر اننا لانحبها نظلمها دائما غير مهتمين فيها ....الخ

كنا احنا نداري خاطرها نسال عنها نزيد جرعه الاهتمام كل ماشفناها زعلانه

ومافيه اي نتيجه بالعكس صارت تزعل زياده ع اتفهه الامور

لدرجه مره كذبت علينا وقالت بتزوج وبسافر الكويت

واخر شي قالت اكذب بس بشوف تهتمون فيني اولا

زعل تااااااافه لاامور تااافهه ابسط مثال
مره جيت وقلت لصديقتي قصه فلم كنت اشوفه وزعلت

تتوقع ليه ؟؟؟
لانو المفروض هي الي اقولها الفلم <<<تخيلت اخي اسلوب اطفال

المهم سبب طرحي لمشكله صديقتي سيتظح لك في هذا الجزء
قللت اهتمامي مثلها مثل اي بنت مجرد سلام وكيف الحال

طبعا نسيت اقولك انها كانت قبل دااااايم تقولنا لجميه البنات تمسك كل وحده على جمب وتقولها وش فيك متغيره علي

<<<<<<<<<<كل هاللفه الي تسويها تبي اهتمام وحست انو بطريقتها هذي وصلت للي تبي لان البنات صاروا يدارون خاطرها

لكن انا ماحبيت هالحركه فمسكتها يوم قلت شوفي يافلانه انا ماتغيرت على احد ولااتغير لعيون احد هذا انا

وكانت لي وحده من صديقاتي تؤام روحي تقارن نفسها فيها تقريبا بالغصب تبي تاخذ مكانتها عندي
ابسط حركه اسويها لصديقتي تزعل لو مثلا جت الصباح وشفتها مكشره اقولها من باب المزح <<فيه احد يشوف وجهي ويكشر

وتضحك صديقتي

تجيك الثانيه وتقول ايه لنا الله انا لو يصير فيني شي محد درى عني <<وتقولها وهي خانقتها العبره

فهمتها انو انا ماعندي احد يحل محل احد كل شخص له غلاة ومعزته

وقلت لها يافلانه بحركاتك هذي تخلين مااغليك وترى الشخص هو الي بيني غلاته ويقللها <<<انا قلت هالكلمه والا ماقلتها

بكت طبعا ودار بيني وبيها حديث طويل مظمونه انو انتي الي وصلتني لهالمواصيل <<<تقصدني

وانو انتي متغيره علي <<<قصدها صديقتي الي متعرفه عليها قبلها
وانا ترى انا انسانه انحب والكل يحبني حتى محد يفرط فيني بس انتي اكيد فيك خلل <<<

تقصدني

بعد هالنقااش ازعجتني رسااايل عالايمل وتقول نبي نرجع مثل قبل

وانا اقولها معجبني الوضع الحين <<<بصراحه مو من طبعي بس جاااني من هالبنت شر مالله به عليم

المقصد اخوي لما طنشت حركاتها الي عارفه هي وش بتحصل وراها بطلت هالحركات تعطيك شعور انها مظلومه وانت سبب ظلمها لاتبين انك استجبت لحركتها
والاهم من هالشي اخوي لاحظت انها حاليا اي شي تعرف انه يزعلني او يضايقني مستحيل تسويه

اخوي تحتاجح وقفه بسيطه وتغير حياتك حاله مد وجزر وحياة متقلبه نوعا ما
صديقتي هذي لي سنتين تقريبا وانا وهي بمشاكل واحس اني صبوووووووررره اني تحملتها كيف انت

ملاحظه ثانيه حبيت اظيفها صديقتي ماعندها اخوات وامها كانت هي وحيده امها وبعدها بكم سنه امها جابت بنت فحسيت انها تحس انها صارت منسيه بعد ماجت البنت وانو كل الي حولها افضل منها مهما صاار حتى تحس انها شينه
يمكن زوجتك تحس انو مالها قيمه بعد وفاة والدها وادى لها هالشعور بالظلم وانها دايم غير الناس والي حولها افظل منها

__________________
وعند الله لاتموت الامنيات

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه