ماكنت أزور احد وماكان أحد يزورني لانو حماتي متوفية .. الغريب انو بداية زواجنا كان يردد انو النساء كفارات عشير واحنا لساتنا ما كملنا ثلاث شهور وماكان بيننا علاقة بعد الملكة نهائيا لانو ما كلمني تلفون ولا زارني بعد يوم الملكة .. وكان يردد اية فيما معناها انو النساء عدوات لأزواجهم وكلامه هذا وجعني كثير كثير لاني كنت افهم انو العدوة هي اللي تكون ناشزة وتخون زوجها قولت بنفسي لية يشبهني فيهم وهو لسى ماعرفني وايضا يردد انو المراة تنضرب وضربها يكون بعصا خفيفة..
حسيت انو مشحون من ناس حاسدينة وفعلا كان اعتقادي صحيح كانوا اخوانو اللي اكبر منه يشتكون له دايما من زوجاتهم واولادهم مع انهم معيشينهم بنعيم وكان زوجي يساعدهم بالمصروف ويشوف زوجات اخوانة زمان كانوا يخاصموا امة وبينهم مشاكل ..
..كانت بنتي متعبة وعندها نقص بالكالسيوم ..وزوجي يرفض يوديها لطبيب او يعالجها .. حملت بأبني وكان معاي أكتأب شديد وماحد حاس فيني اصبح بكي وامسي بكي ولما ولدت ولدي زارني عند اهلي وأعطاني مصروف يغطي حاجات البيبي وأختة لماخلصت نفاس نفس الموال رجع له الهجر لكن هذي المرة زاد 5 شهور .. كنت أظن انو انا زي ما يقولوا جداتنا ما كنت كويسة رحت لطبيبة بحجة التهاب وقالت لي كل شي تمام وخياطتك تجميلية والعجان عندك تمام .... دخلني شك انو مو انا الزوجة اللي بترضية قلت يمكن اللوك تبعي ماعجبة رحت مشغل وصبغت شعري وعملت نقش لرجلي وكان حلو بالمرة رجعت للبيت فرحانة بالتغيير قلت له ايش رايك قللي انت تعملي هذي الحاجات عشان الناس
مو عشاني . قلتلة فين الناس اللي تتكلم عنهم من جيت من اهلي ماشفت احد مارد علي طلبت الطلاق بعد حوار كثير بيننا رفض يطلق واستمر طلبي له لحد مشكلتنا اللي صارت هذي
يرفض انو يكون لي صديقات يرفض علاقتي مع الجيران وعلاقته فيهم جدا طيبة ولما يعزموني يرفض انو اولادي يروحون معاي مع انهم جدا محترمين واخلاقهم عالية بشهادتة هو ولما اعزمهم في بيتي ياخذ بنتي وولدي يطلع فيهم ما يخليهم يجلسوا ويلعبوا مع اولاد الامهات اللي يزوروني ..
طبعا فية مواقف واحداث ما ذكرتها من ضمنها اني مرة كنت متزينة على الأخر له ومتشخلعه وهو معاه الصيادة حقت الذباب مع احترامي للقارئين وانا اكرها لما اشوفها احسها وسخة وهو يعاندني فيها وصاد ذباب على فخذي تخيلوا المنظر ينقتل ذباب على فخذك العريان يع بكيت وبكيت الم وقهرتمنيت اروح لأهلي لكن اولادي انحرق قلبي عليهم مابغاهم يتشردون ...
سبب ضربة لي واللي احس انو كل حاجة تساوت عندي من بعدة وماعاد فية شي أحرص علية انو ولدي كان تعبان عندو امساك بدورة المياة دخلت عشان اساعدة وادهن المخرج بهدو وولدي يزعق خوفا اني االمة ولما طلعت رجعت بعملة حمام دافي من تحت عشان يتنقع فيه رفض ابوة اني ادخل ودفشني لما رجعت بوضح له
اني بعمل حمام ضربني ورماني على الأرض انا وقتها انهرت عصبيا ودخلت الغرفة وجلست أصرخ واضرب نفسي بدون ماأحس كنت وقتها بنتحر لولا لطف ربي ورحمتة فيني كتمان السنين هذي تحول لأنهيار بعد ساعة لما هديت قمت من الأرض وطلعت لولدي اللي لساتوا بدورة المياة
بعدها طردتة من الغرفة قلت له اطلع منها ولا تنام فيها وانا بجنوني ما ني قادرة اسيطر على نفسي