المشاركة الأصلية كتبت بواسطة بنت الحكمي

الأخت بيتا الحمدالله إني لحقت قبل إعلان جرس الإغلاق وماعندي على كلام إخواني وأخواتي زود فقد كفو وفو جزاهم الله خيروبصراحة ياأختي ماحسبت إن الموضوع لك أنتي شخصي تفاجأة كيف
إن الأخت بيتا صاحبة الردود والأراء الحكيمه وإلا حنا نتعلم
منها دروس الحياة تكون حاملة هم بصدرها مثل هالهم وأنا أحب أقول لك بأن زوجك في قلبه غيره عليك والسبب فارق العمرفأنت لازم تتحملي وتراعين عشرتكم مع بعض وترى الإنفصال صعب في مثل هالعمرحاولي تحتوينه على قد ماتقدري ولك الأجر والثواب إن شاء الله على صبرك يا أختي
ما أتوقع إن هناك إنسان عايش وماعنده هم أومشاكل وأنت إنسانه عاقله ورزينه ولك ردود هناعلى الأعضاء تسطر بماء الذهب وأنت لك طريقه حلوه وسلسه في التخاطب مع الناس
فحاولي تستخدمين ذكائك وحنكتك في تعاملك مع زوجك
وبعدين الرجل شكله متضايق من سفرته ماوده يفارقك حزين عليك وأنت مافهمتيه زين
أنت الحين هدي الأمور وأتركي العصبيه وأنت عندك سكر تراها موزينه العصبيه حق مرضى السكر الله يشفيك إن شاءالله وإنسي كلام زوجك إللي قالوا لك في الماضي علشان تقدري تعيشي حياتك بالمستقبل وحاولي تتعاملي معاه قدر المستطاع وتذكري حسناته والأشياء الحلوه إللي كانت بينكم في بداية مشوار حياتكم لابد وإن له بصمه طيبه في حياتكم أسأل الله أن يصلح مابينك وبين زوجك ويجعلكم لباس لبعضكم ويألف في مابينكم بالمحبه والمودة والعشرة الحسنة .