[مميز] من أسباب سعادتي مع زوجي (( 2 )) - منتدى عالم الأسرة والمجتمع

13-01-2011, 12:01 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

[مميز] من أسباب سعادتي مع زوجي (( 2 ))

اخواني واخواتي الاعزاء .. اتمنى ان تكونوا بصحة وسعادة وخير ... البعض ممكن يذكر زيارتي الاولى لدار
المسنين واللي فاجأني بها زوجي الله يحفظه ... استغليت انا فرصة وجوده في اجازة .. وخططت للذهاب إلى
مكان يعور القلب ولكن جميل بأهله ... المكان هو :

تعودنا ان نزور المكان بين فترة واخرى ولكن احيانا نغيب عنهم فترة للانشغال .. وبعد فترة طويله وضعت بطاقة في
سيارة زوجي مع وردة وكتبت في البطاقة : (( حياتي .. بما انك في اجازه حبيت اوديك مكان حلو .. فاتمنى انك تكون
جاهز يوم الاربعاء الصبح )) .. وهنا اريد ان اعطي اخواتي نصيحه : اذا زوجك ما يطلعك .. فاتبعي هذي الطريقه
يعني قولي له انا مسويه لك مفاجأة .. في مكان ولا تذكرين المكان .. وخليه هو اللي يسوق لين توصلون للمكان اللي
تبينه ( ممكن فندق حلو على حسابك - او مركز للتدليك فيه رجال طبعا - دعوة لعشاء رومانسي في مطعم راقي بالاتفاق معاهم طبعا - رحلة بحرية لساعتين مع عشاء - احجزي ليموزين وخذوا جولة يعني اعصري مخك) ..

المهم يوم الاربعاء الصبح .. انا خذيت اجازة مع زوجي .. وعيالي غيبتهم عن المدرسة لان كان عندهم يوم مفتوح ..
وحطيت الاغراض في سيارة اخوي ... وقلت له ينتظرنا عند الدار .. وزوجي طبعا ما يعرف وين سايرين ..
ويوم وصلنا .. الدار شفت الابتسامة تلق ( تلمع ) .. .. لكن فجأة شفت هاي النظرة بمعنى : كيف والأيادي خالي ؟ ... فشاف اخوي .. ونزلنا الاغراض وادخلناها الدار ...

والله فرحتهم بنا كانت كبيره .. بدأنا بتوزيع الالعاب مثل :

كُوَر ... جمع كره

مكعبات للتركيب

حوض سباحه بلاستيكي لوضعه في الحديقه

ألعاب إلكترونية ( هذي كانت عليها مسابقة )

دراجات ( كانت عليها مسابقة )

عملنا مسابقه مع الاطفال والكبار .. ووزعنا الجوائز على الفائزين ..
----------------------

واخذنا معانا اقراص لرسوم متحركة متنوعه مثل :

----------------------

واخذنا معانا قصص مصورة متنوعه بين قصص الاطفال والقصص الاسلامية للكبار

وكنت جالسه مع البنات اقص عليهم بعض قصص الانبياء وكانوا يسإلون وايد ما شاء الله عليهم ... وزوجي مع الاولاد
وكان يقص عليهم بعض القصص وصلى بهم الظهر .. فدييييييييييييييييييييييييته .. وعيالي كانوا فرحانين والحمد لله ..
واحد من عيالي كان جايب لعبته ( psp ) وعطاها لأحد الاولاد الله يحفظهم يارب ..

يتبع ... ارجوعدم الرد علشان يكون الموضوع مرتب .. الف شكر

__________________

للاطلاع والاستفاده : 1 ، 2

التعديل الأخير تم بواسطة أم داليا ; 14-01-2011 الساعة 12:25 AM السبب: إضافة شعار التميز

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه