افكـر اني ما اكلمه
السلام عليكم ورحمة الله وبركاته ...
نصحتنـي وحده من صديقاتي ما اكلم خطيبي لانها متزوجـه وقالت لي انها تعقدت من البنات على مشكلة تافهه بالتليفون يفسخون الخطوبه غير المشاكل والقيل والقال وقالت لي انه خطيبها اهداها جوال وشريحه وماشغلتهم الا يوم الزواج تقول عشت احلى ايام عمري هي خجلانه منه وهو خجلان منها وتقول يوم سافرنا في شهر العسل من يوم اقلعت الطياره لين وصلو وهم يسولفون تقول لاني ما اعرفه ولا هو يعرفني كل واحد يحاول يستكشف الثاني تقول عرفت شخصيته الحقيقه مامثل علي ايام الخطوبه الحب والرومانسيـه وانا مامثلت عليه كل واحد عرف الثاني بطبعه وحبه وعشـقه والحمدلله حياتهم حلــــــوهـ .
صراحه انا نفس الشئ شايفه صديقاتي حالتهم كذا كل يوم طاق وطقيق ليش ما ارسل لي ليش ما دق علي
وليش ماتسفرني وليش اشتريت الكنب اللون العلاني وانتي ليه ماتهتمين فيني انا زوجك ليه ماتعطيني حقوقي
وبعد الزواج برود وطفش مافي سواليف كل واحد عارف الثاني ويمكن القلوب تكون شايله من مواقف المكالمات
قبل الملكـه .. والقسم هنا مليان مشاكل من هذا النوع غير انه طبع بعض الرجال البرود في التليفون وهذا يسبب مشاكل ويمكن البنت ماتكون عارفه انه طبع خطيبها كذا وتبدا الهواجيس مايحبني مايهتم فيني ...الخ
وبصراحه انا مافيني على حرقة الأعصاب وما احب المشاكل من النوع هذا ممكن اتقبل المشكله وانا معاه
في بيته لان الحوار وجه لوجـه غير الكلام بالتليفون وغير اني اتأثر من اي مشكلـه ونفسيتي تتعب وهذا الشئ ينعكس على دراستـي وانا ما ابغى دراستي تتدهـور ودي اتوكل على الله واخلي حياتي تمشي
مثل ماربي كاتب لي واخلي امور زواجي تمشي بتخطيط خطيبي من دون ضغط مني واعيش احلى ايام عمري معاهـ من دون خلافات سابقـه..
وبنفس الوقت خايفه اندم بعد الزواج ويكون طبعه مو حلو مع انه صديق اخواني ويمدحونه ..
امم خطر في بالي فكره انه قبل الزواج بـ اسبوعين عادي اخليه يكلمني ..رآيكم
التعديل الأخير تم بواسطة الواثقه بالله 2 ; 30-12-2010 الساعة 12:49 AM
30-12-2010, 12:37 AM
ضوابط المشاركة
العرض الشجري