مشكلتي مع زوجتي و قلة احترامها لي
السلام عليكم ورحمة الله وبركاته
بصراحة اول مره اكتب موضوع عن حياتي الزوجيه بس بصراحة صار الوضع لا يطاق وحاب اشرحلكم مشكلتي مع زوجتي .
في البداية متزوج من سنتان ولدي طفل انعمنا الله بنعمته علينا بحياة فيه الحب والاحترام والتضحيه ورزقنا الله بطفل .
بس من بعد العيد الي طاف وزوجتي متغيره بسبب مشكلة في شهر رمضان الي طاف والمشكلة انحلت بعد ان تقدمت بعتذاري لها واني احسن اخلاقي وحياتي معها وهي برظو وعدتني بذالكـ . وكانت حياتنا في البداية جميله بس تحصل فيها بعض الخلافات الزوجيه ويكون فيها صلح . لكن بعد العيد عشت احلى فترات حياتي الزوجيه لن كلنا عرفنا الزواج وخاصه انا عرفت حق الزوجه من كل النواحي واحاول اغير نفسي معها
في الفتره الحاليه انا طلعت معها طيب إلى ابعد الحدود ماعاد احاول ازعلها بشي الي تبيه يحصل لها بس طلع فيها عدم الاحترام في بعض الاحيان يعني تذب الكلام وترد علي وتهددني تقول مثلاً لو يحصل سوء تفاهم تجي تقول انقلع عن وجهي ولما اقولها انقلعي او اقولها لاتخليني اجرحكـ اكثر تجي ترد تقول جرب تجرحني فيها يعني مدري تهددني انها تروح بيت هلها او تحسبني بدورها بس المشكلة فيها هي لانها من النوع الجاد ومن النوع الي يشيل هم على اي شي . يعني مثلاً تحصلها العصر معك كويس ماتدري الى الليل نفسيتها منقلبه على سبب تافه بسبب ان ولدها مانام انها عندها شغل تجيك نفسيتها اعوذ بالله اكون انا ساكت وكم مره حاولت افهمها عن الي فيه هـي وكم مره جيتها بالاسلوب الزين حاولي ماترفعين صوتك علي حاولي تثمنين كلامك تقول انت برظووو حاول تحترم نفسك وللسانك يعني لما اتكلم عليها ترد علي بنفس الي اقولها مثلاً اقولها انقعلي عن وجهي ترد وتقول انقلع انت كم مره مسكت نفسي عن مدة اليد لن كرامتي فوق كل شي . وانا والله ماقول انقعلي الى من شي اشوفه قدامي شي بعض الاحيان يقهر اقول هذي كذابه ماتحبني بس تبي تمشيني على كيفها
صدقووني اني ماقصرت معها وربي يشهد علي وهي برظووو تحبني وتصيح في حبها لي بس مدري وش الحل معها في التعامل معها ورب الكعبه افكر اطلق بس المشكلة عندي ولد وخسرت خسائر وديووون بس كلها عشان حياتنا احس بقهر لما اذكر الشي الزين لها وتضحيتي لها .. ربي يشهد علي اني احاول اعيش بدون مشاكل ونكد وتفاهم بس هي تغلط وفيها زي شوفة النفس في الفتره الاخيره افكر اهجرها فتره طووويله بس والله بتعب كذا انا لاني تعبت من الزعل والمشاكل وربي كرهت الزواج وتمنيت اني عزوووبي ولا ادخل في مشاكل زي كذا وتفاهات مع ناس ماتقدر وش الرجال.
لن كل شي الى كرامة الرجال وخاصه لما يكون طيب وحنون مع زوجته وهو في اسوء الظروف يحاول يسعدها . وهي والله في المجتمع الي حولنا يمكن احسن وحده تلبس احسن وحده في كل شي عادها صديقه وزوجه وكل شي بالنسبة لي
الحين حسا اني فقد الشخصيه امام الزوجه والسبب تصرفها اخاف اتكلم اغلط ونرجع الى مشاكل وجع راس .
وتروح بيت هلها وتنوم هناك وانا في بيتي مافي امل اكمل شهر بدون مشاكل
شوفو ابي منكم حل الله يرضى عليكم دنياء وآخره والله لايحرمكم الأجر في وقفتكم معي .
وابي حل مع التفكير عن طيبتي معها ابي اغير طبعي معها ابي اكون اكثر جديه مع نفسي واكون مطنشها .
ابي حل الله يستر عليكم
وشكراً
__________________
سبــحان الله وبحمده .. سبحان الله العظيم
10-11-2010, 04:12 AM
ضوابط المشاركة
العرض الشجري