السلام عليكم و رحمة من الله و بركاته
انا رجل كتوم جدا او بالإصح كنت كتوم , عشت حياتي و انا اتعذب من الجنس الناعم احبهم كثير لدرحة اني صرت احس ان الانثى كائن رقيق و عاطفي جدا مهما كانت جميلة أو العكس و احس اني دايما ارحمهم. لله الحمد و المنه ما كلمت اي بنت بأي وسيلة بقصد المعاكسة طبعا قبل الزواج مع العلم اني دايما اصير في مواقف مغرية مرررره من نظرات بعض البنات و احس ان بعظهم تبيني ارقمها, كنت احس قلبي بيتقطع احس بخوف شديد و لذة شديدة في نفس الوقت يجيني شعور جميل في عواطفي يخليني اتمنى اني احضن اي بنت في ذاك الموقف بس من حبي لهم ما ابي اني اضرهم ابيهم يفرحون بأزواجهم في المستقبل و متأكد لو سويت شي بيكون غلط و بضر البنت حتى لو كنت بأفديها بحياتي. كنت اقول انا ابي اعيش حياة زوجيه سعيدة و افدي زوجتي بروحي كنت مليان عواطف كثيرة و رومنسي مررره.

المهم تزوجت زواج تقليدي طبعا ما شفت البنت إلا بعد الملكه (عقد القران) كان شهر العسل من اسعد ايام حياتي كنت احس اني كنت في حلم جميل والله اني اضحك من السعادة لما اتذكر هذاك الوقت. المهم مرت الايام و لاحضت انها ما تراعي مشاعري في فراش الزوجيه ما فيه اي استجابه منها يعني كأنها ((( نايمه ))) و انا عارف ليش هي كذا بس ما كنت ابي اجرح مشاعرها . المهم جا يوم و رحنا للسوق و حسيت ان البنات و الحريم اللي شفتهم شدو انتباهي مررره. صراحة زعلت على نفسي و لما وصلنا البيت سألتها انتي احد سوالك ختان؟؟ سكتت شوي و نزلت راسها و قالت ... ايه.... قلت لها والله اني احبك حب ما حبيته لأحد في حياتي و ضميتها. كانت تحبني و احبها الحمد لله انجبنا طفلين. كنت دايما اقول لها مانتي مختونه صدقيني وتقول انها مبسوطة معي و خاصة في الفراش. كان ودي اقول ان حياتنا صارت احلى بس صرت اعصب على اتفه شي و اسوي منه مشكلة كبيرة و كأني ابيها تسوي اي شي في راسي بس ما نطول زعلانين كم ساعة و نتصالح المهم و ديتها لطبيبة و طلع ختانها فرعوني يعني ختان كامل لكل شي, سنوات و انا اعيش بحزن بس كنت اقول لنفسي هذا شعور مؤقت و يروح مع الوقت بس للاسف كل مره يزيد اكثر و اكثر. والله اني اعيش بقهر في صدري. كنت اطلب منها انها تراعي مشاعري في الفتره الحميمة بس كانت تقول لي (( ما احب )) كنت استغرب هذا الشي منها لأنها رومنسيه مره و دايما تراعي مشاعري في كل شي . صرت دايما سرحان و افكر بإستمرار لدرجة ان وزني نزل و تغير شكلي كثير خاصة لما اطالع في المرايه اقول هذا واحد ثاني بصراحة صرت اكره المعاشرة صرت اذا شفت اي وحده في الشارع او في السوق او حتى في السيارة اطالع فيها و لا اشيل عيوني عنها و احس اني مشتاق لأنثى صرت اروح للاسواق لحالي عشان ارقم البنات ما كنت ابي اتزوج على زوجتي حبيبتي بس احس فيه فراغ في صدري.
صرت اكلم بنت و قلت لزوجتي وش اهون عليك اني اكلم بنت او اتزوج عليك قالت لا هذا و لا ذاك و كل مره اسألها تقول وهي معصبة ليش تسألني كذا و ارد عليها بضحكة و انا اقول بس احب امزح معك.
صرت مدمن منتديات و مشاكل الزوجيه لدرجة اني حفظتها ومليت منها بس ما عمري كتبت فيها.
قلت لازم اني اصارحها.....
طبعا انا متزوج من اربع سنوات ونص جيتها وصارحتها وقلت لها انا متحمل اربع سنوات راعي مشاعري انا مابغيت اقول لك عشان ما ابيك تزعلين او تحسين اني اشوف غيرك افضل منك في اي شي انا احبك و ابيك والله ما ابي الا انتي, قالت انا انصدمت انك كاتم في صدرك كل هذا الوقت ليش ما قلت لي و حزنت مره و وعدتني انها تسوي كل المستحيل عشاني لكن في نفس الليله في اللحضات الحميمة قالت لي ((( انها انانيه ))) ... صراحة كأن احد صفقني بكف على وجهي.
قطعت العلاقة اللي في الجوال مع البنت لاني قلت الله اهم من اي احد.
بعد شهر قلت لزوجتي اني بتزوج اذا جا معي فلوس و قلت لها العمل موفر لي سكن و بحط الثانيه فيه
بكت و بكت و قالت حرام عليك انا وش سويت لك قلت لها انا ما احس معك بشي ابدا ولما صارحتك و اتقطع عشان مشاعرك صدمتيني بردك... اللي زاد قهري انها تغيرت 180 درجة و صارت بعد ما قلت اني بتزوج الثانية زوجه مثاليه بمعنى الكلمة اللي كنت اتمنى ربع ما صارت عليه .
مع العلم انها جميله جدا و طيبه معي و تحبني كثير و تغار علي و تخاف الله ... بصراحه ما ابي اتزوج عليها عشان ما تزعلت. صرت اذا سمعت احد تزوج اقول يا حظه لان الختان نادر عندنا في السعوديه مليت من شوقي للبنات مليت من حبي اللي يمنعني اتزوج مليت من كل شي صرت ادخن صرت اراجع دكتور نفساني اصبر نفسي و اقول مالك الا الصبر و اصبر بس اذا شفت اي بنت احس انها تسحرني... بصراحة تعبت كثير والله تعبت (((((انا ابي انثى)))))ـ
حبيت افضفض من قهري