بسم الله الرحمن ارحيم
بداية.. هذا أول موضع مكلف لي راح أنزله.. واسالوا الله لي أن أكمله<<<<<< وحدة ناويه تنحاش من البداية..
المهم موضوعي هذا عبارة عن تقرير مصور لـ (رحلتي- سفرتي- لذهابي) اختاروا اللي يعجبكم..
بصراحة الموضوع بالنسبة لي متعب وشاق ومكلف لأني اول مرة أنزل موضوع كذا!!!
الظاهر راح تقولون: يوووووووووه وش تبي هذي!!! لا حنا ولا هالتقرير. لو أنها ساكته كان أحسن..
لا عاد خلاص الحين راح أتكلم جد..
اول شي السفرة كانت لأندونيسيا ( بالي –جاكرتا- بونشاك)
عدد الاشخاص :3 (أنا- زوجي- بنتي الشيطونة)
عدد الايام :13 يوم
أمممممممممممممممم.. وشو بعد .. وشو بعد.. بس
الذهاب والعودة كان عن طريق الخطوط السعودية..
نوع الطيارة : وانيت أو باص الأصفر القديم .. يعني طيارة ( سكة- طقطقانية- ماعندك أحد)وطبعا هذي من السلبيات اللي واجهتنا في بداية الرحله..
الخطوط السعودية ما أهتمت بهذي الرحله ابدا ابدا ابدا.. ليش!!
لأنه في نظرهم انه غالبية الركاب راح تكون من العمالة الأندونيسية.. فبالتالي
<<<<< اما هذي فبصراحة متعوب عليها!!
المهم نرجع لكلمتنا فبالتالي ما أهتمت الخطوط لهذي الرحلة.. وما وفرت سبل الترفيه البسيط للركاب بغض النظر عن من هم الركاب!!!
كل اللي سووه انهم طفو علينا (اللمبات – الليتات – الإضاءة) وسكروا ( الشبابيك – الدرايش) وصارت الدنيا خرمس!!!
كانهم يقولون لك نام غصبا عليك رضيت ولا انرضيت!!!
مافي جرايد.. مافي شاشات<<<< لا أستغفر الله في شاشة كبيرة لكل مقصورة فيها اتجاه القبلة لا وتتهزهز وتحول عينك!!يعني اللي مافيه نوم ويحاول يقاوم النوم بس يطالع اتجاه القبله يدووووووخ وينااااام..!!!
المهم انطلقنا يوم الأربعاء ووصلنا لجاكرتا يوم الخميس .. وبعد الوصول اتجهنا لطيران جارودا وحجزنا على بالي ومدة الرحله تقريبا ساعة وشوي..
الظاهر طفشتو من البربرة حقتي .. تبون الصور.. خلاص راح أكمل سوالفي بالصور..
هنا وحنا بالمطار ننتظر الطيارة..
أول ما وصلنا جاكرتا حجزنا على بالي لأن عندهم تقريبا كل ساعتين في طيران لبالي..
هنا بنتي وهي ناااااايمة..
هنا أول ما وصلنا بيتنا.. طبعا البيت عبارة عن فيلا في منتجع .. مكونة من دورين.. الدور الأول صالة ومطبخ وغرفة نوم وحدة
وتحت صالة مفتوحة على الهواء الطلق مقابلة للمسبح الخاص .. وغرفة نوم بدورة مياه .. دورة المياه لحالها تووووووحفة.. المهم ه\ي صورة البيت أول ما دخلنا.
صورة لمسبحنا من فوق..
هذا اللوبي .. طبعا الصور صورتها من بكرة لأننا وصلنا بالليل فمايبان شي..
هنا الطريق المؤدي للفيلا مسوين جلسة تسمعون فيها هدير الماء..
هنا وصلنا لمقر إقامتنا
الباب الخارجي خشب والباب الداخلي قزاز..
أنا ماني عارفة ليش مرة تطلع الصورة كبير مرة صغيرة لييييش؟؟؟؟
المهم نرجع ماعلينا من الكلام الزايد..
وريتكم بالبداية الصالة من ورا .. ألحين أوريكم من قدام.. ه\ا الباب اللي تشوفونة ينزلكم على تحت عند المسبح..
والباب اللي على اليمين يوديكم على غرفة النوم.. ما أتصور في أكثر من كذا شرح..
وهنا حاطين لنا صحن فاكهه كضيافة يعني..:14:
هنا صورة المسبح العام.. وهذي الإطلالة وحنا قاعدين نفطر عندهم ..
بكذا خلصنا تقرير السكن .. والله يا جماعة متعب .. يعني مرة ملزمين تشوفون الباقي.. انا 4ساعات اشتغل وانتوا تفرجتوا بدقيقتين
..
ههههههههههههه.. أمزح أمزح
عشان خاطركم راح أكمل.. أنتظروني .. بس سؤال للمشرفين ..أقدر أنزل مقطع فديو ولا لأ؟؟
31-10-2010, 09:04 AM
ضوابط المشاركة
العرض الشجري