السلام عليكم
الخدم وما ادراك ما الخدم ,,,,, اقسم بالله انهم هم ماله نهايه ,,,
والله عن نفسي قبل لا اتزوج ماكنت اعتمد على الخادمه بشي سواء في غسيل ملابسي او الطبخ
او حتى القهوه ما احب انها تسويها مع انه كان عندي دراسه لكن ما احب الشغاله تعملي شي نهائيا
حتى الوالده تقول خليها تغسل ملابسك اقوللها لا ما ادري ليش ؟؟؟ بس هذا طبعي
بعد ما تزوجت رزقني الله بولدين وتعبت تعب شديد من الحمل والولاده لانه صارت عندي مشاكل لكني
رفضت وجود الخادمه واوقات اقول لنفسي اجيب اللي بالساعه وبعدها ابطل والسبب اني ما اخذ راحتي
انا انسانه احب اخذ راحتي بشكل كبير في البت مع اولادي وزوجي ,,,, وانا صراحه ما احب اتقيد بنمط
معين عشان شخص غريب بالبيت لان الخادمه انسانه لها مشاعر لها زوج ولها عيال متغربه عنهم مو
ناقصه انها تشوف اشياء تعور لها قلبها او انها تخليها تنتقم او تسوي شي يضر العائله اللي هي تشتغل
عندهم ...
صحيح البيت والاولاد وزوجي ووظيفتي مسؤوليه كبيره لكن التعب الجسدي اهون بكثير من التعب النفسي
هذا رائيي ,,, واذكر احد الشيوخ قال انه اول سنتين للزوجين هي احلى سنتين فليش الواحد يجيب خادمه
تكتمه في البيت ...
الله يعطينا الصحه ولا نحتاج لا لخادمه ولا لغيره ,,,,
26-10-2010, 04:34 PM
ضوابط المشاركة
العرض الشجري