زاويتي / يوميات مبتعث من ارض الاحلام " Canada " - منتدى عالم الأسرة والمجتمع

16-10-2010, 05:07 AM

#11

In Canada

عضو جديد

تاريخ التسجيل: Sep 2010

المشاركات: 20

السلام عليكم

---------

زي ماوعدتكم اكمل الصوور جايب لكم اليوم مجموعة صور البيت وصور طلعتنا للشاطئ وصور طلعتي للبحر اللي جمب بيتنا

واتمنى بعض الاعضاء مايكتفون بالمشاهده , ومعقوله من بداية الموضوع مافيه سلبيات ! ابغى ناس تنتقد عشان بكره اتلاشى بعض الاخطاء

-----------------------------------------------------------------

اول شيء بسرد لكم اليوم مثل اي يوم بايام الاسبوع الان الساعه 6:23 رحت المعهد كالعاده الا ان الفرق اليوم انه جمعه واخر ايام الاسبوع وينتهي دوام المسلمين الساعه 12:30 عشان صلاة الجمعة ..
صلنا الجمعه وكالعاده بمواقف المسجد الخلفيه او اما المسجد نتجمع وسواليف ومجموعات وهذا يسلم على هذا , طبعاً اليوم بالليل بروح للنادي السعودي بعد المغرب قهوه وشاهي وتمر والمتزوجين يجيبونها اما العزاب يجون عادي بدون شيء عشان كذا قررت ما اتزوج ويخدموني باقي الشباب المتزوجين
وبعد العشاء نروح نلعب كوره بصالة رياضيه دخول الواحد 7 دولار فيها كوره وصالة هوكي ومسبح وباختصار فلله ^_^
طبعاً كل ويك اند يتجمعون وانا هذا اول ويك اند بروح لهم ان شاء الله

------------------------------------------------------------------

صور للبيت من الخارج والداخل :

1- صورة البيت من الخارج

2- صورة اول ماتدخل البيت وواضح على اليمين المطبخ والصاله يسار

3- الصاله وقليل نجلس فيها بس فيه الاريكه يقرون عليها بالصبح وبالليل

4 المطبخ " ولا احد يدقق على صورة الحمار - وانتم بكرامه - اللي فوق الثلاجه , ولا على بالهم بيزينون الصوره مخلينه يعض على باقة زهور " مالت عليكم "

5- المطبخ والطاوله اللي ناكل عليها الكرسي القريب عاليسار مكان الابو واللي بعده على يسار مكاني والام مقابلتنا " والباب هذا يطلع على الحديقه الخلفيه "

6- الصاله الداخليه ولاب توب العجوز ويندوز 98 احس هي اخر وحده بالعالم يستخدم هالنسخه ودي اشتري لها نسخه جديده صدقة , والابو عنده كمبيوتر مكتبي فوق

7- صالة الطعام للضيوف

------------------------------------------------------------------

هذي الصور طلعتي انا والعجوز وشايلوه للشاطئ ثم نطلع عالبحر طبعاً الشاطئ فيه بيوت مطله لكن ماتملك الارض اللي عالشاطئ مباشره يعني البيت عن الشاطئ فوق الجبل 20 متر وفيه درج للبيت :

- الطريق للشاطئ -

1- طبعاً مواقف سيارات بعيده شوي ثم ندخل ممر بالغابه حلوووه جداً نمشي يجي لنا 5-10 دقائق

2- الشاطئ وكيف هادئ , وفيه بيت واضح بالصوره وملعب قولف

3- صورة شايلوه بالبحر , طبعاً يدخل اكثر بكثير

4- اول ماجينا هالمكان فيه شايب يقرى مجله ويشرب كافيه وجالس هنا ووراه مباشره درج على بيته على طول

5- اذا رجعت للسعوديه بجيب لكل واحد فيكم هديه بطه

6- مطعم عالبحر وهذولي السيارتين تابعه له , روز رايز موديل 1963

-----------------------------------------------------------------

وهذي الصور لطلعتي للبحر اللي جمب بيتنا <3 , كان الوقت قبل الغروب بـ ساعه

1- اول مدخل للبحر وقدامك هالكراسي طبعاً هالبحر هاااادئ

2- صورة القوارب

3- ...............................

4- ,...................................

5- صوره للغروب

6- صوره ممر

7- صوره اعجبتني

- الصور لم يتم تعديلها -

--------------------------------------------------------------

وبكذا نكون انتهينا من الجزء ومن الصور , اتمنى ان تحوز على رضاكم , فتذكروا انتم وقودي , الاحظ خموووول شديد بالموضوع !

محبُكُم / أحْمَد <3

(وُرْدَة)

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه