طيب يابنت الحلال فكري بالعقل ..

وش الفرق لو تسكنين بشقه ولا تسكنين بدور فوق اهله ؟

نفس المساحه لايمكن الدور اكبر .. ويكون الرجال جمب اهله وفوق كل هذا اوفر فلوس تعرفين الاجارات نار ..!

انتي ماراح تسكنين ببيتهم انتي لك شقتك الخاصه منفصله عن البيت ومدخلها جانبي يعني مافي فرق بينها وبين الشقه .

واذا لا قدر الله صار شي ولا حاله طارئه فيه احد من الاهل قريب ..

مافي اي مبرر لك انك تروحين لشقه لحالك .. لو انتي طالبه بيت لحالك والرجال اموره ميسوره نقول حقك تبين بيت العمر

انا من وجهت نظري هذا ضغط على الزوج والله تلقين راتبه على قده ودفع الي وراه وقدامه علشان يتزوجك تومين تبهذلينه باشياء مالها مبرر ..

لو انا بوضع زوجك ماراح املك لاني بحط فكره ببالي ان البنت هذي ما تتنازل لزوجها ولا تضحي على شانه ..

وجهة نظري اتمنى تتقبلينا بصدر رحب ..