زوجي لازال على خياناته واهماله وقلة عطائه ((المستجدات بالرد 6))
السلام عليكم
انا كتبت مشكلتي سابقا هنا وماقصرو الاخوة والاخوات ساعدوني كثير واستفدت من نصائحهم
وهذا رابط مشكلتي سابقا
http://www.66n.com/forums/showthread.php?t=189818
لكن وضعي للاسف تأزم اكثر واكثر
زوجي لازال على خياناته
واهماله
وقله عطاءة وكثرة جفافة
كان قاسي والفاظه بذيئه ويستخدم معي اساليب التهديد يااما اسوي اللي اطلبه او روحي بيت هلك لاتفه سبب
ودائما يردد علي انه ماكان يبغاني زوجه
وكنت اقول في نفسي لحظة غضب وتروح وهذا كلام دائم يقوله اناه اذا عصب يقول كلام مش قاصده
لكن هالكلام خلفت في قلبي جراح والام لايمكن اني انساها
المهم التطورات اللي صارت
اني وعدت نفسي اني اتركه واتركه خرابيطه يعني مااهتم باللي يسويه من مغازلات اقوم بواجبه من طبخ وغسيل واكل وبس
بالرغم من انه حارمني من الطلعات حتى العلاج مايعالجني بحجه انه ماعنده حتى مستشفى حكومي مايبي يوديني
لكن عادي يصرف بالالوف على المكالمات ....عادي يقصر علي في المصروف عادي يخليني من غير كهرب ومكيف بس مش عادي يقصر على نفسه وعلى الحرام ... ااااااااااااااااااااااااه تعبت تعبت
المهم في يوم من اليام اخذت جواله كنت ابي اكلم وماكان ابد يسمح لي اني استخدمه الا وهو واقف على راسي
لكن هالمره راح الحمام وانا اخذت اكلم الا جت رساله طبعا كانت من وحده من اللي يكلمها انا انصدمت
اكيد تستغربون كيف انصدمتي وانتي تعرفين بخياناته من تزوجتيه
انصدمت لاني مابي اسمع شي ولا اشوف شي وكنت اسوي نفسي عميا واقول في نفسي انه تاب عشان اقدر اعيش معه
ومن شده الصدمه ماني عارفة وش اسوي رحت ارسلت لها رسالها وقلت لها عيب عليك هذا رجال متزووج وعنده عيال
وبعدها ماردت علي يمكن هي بعد كانت مخدوعه
المهم انا مامسحت الرساله لاني ابيه يعرف اني عارفه
ورجعت جلست ولاكلمته ولاقلت له ولا كلمه
اخذ جواله وراح وبعدها رجع معصب قال انا عارف انك تدرين وانا قريت الرساله قلت له لاتتكلم انا تعبانه وصايمه مابي اسمع شي قال انا بروح وانتي حرام علي وان كنتي تبين تروحين بيت هلك روحي ((لاحظو كل هذا الكلام وانا ماقلت له شي ولا ناقشته بشي بس قلت له مابي اتكلم وانا صايمه ))وللاسف هذا طبعه دايما اذا هو المخطيء يحط اللوم علي ويحاول يحملني انا الخطأ ويغلط علي بالكلام لاني بس اكتشفته
المهم انا انهرت حيل تعبت من اسلوبه يعني ماكفايه علي اني سكت على الخيانه اللي قدام عيني لا ويرزيد ويقولي انتي حرام علي وروحي بيت هلك ان كنتي تبين وانتي اللي بتهدمين بيتك وطلع
انا قمت على طول ورحت صليت استخارة كنت دايما اصلي استخارة على بقاءي معاه لانكم لو قريتو مشكلتي في البدايه كان عرفتو اني كارهه من الاساس حياتي معاه
والحمد لله استخرت وقررت اني خلاص لازم احط حد وانهي هالحياة التعيسه وطلعت من البيت وانا قررت اني اطلب الطلاق
وبالفعل رحت بيت هلي وقلت لهم عن رغبتي بالطلاق طبعا انصدمو لانهم عمرهم ماسمعو مني ولاشكوى تجااهه وكنت دايم ابين لهم اني سعيدة
وكانهم في حلم مش مصدقين ويشوفون اني اكبر الموضوع وللاسف لقيت معاضة من اهلي اني اتطلق لانهم يشوفون انه مش سبب خيانته مش سبب بذاءة لسانه مش سبب تقصيرة واهماله في بيته وفي علاجي مش سبب
قالو ارجعي له وعيشي مع بنتك وهو تركيه
كيف اتركه كيف من اعيش معه من يبادلني الحب من اجلس معه من اكلم من اطلع معه كيف اقوم بواجباتي تجااهه وهو هاملني معتبرني صفر على الشمال كذا انا اموووووووووت
وبينت لهم هالشي لكن لاحياة لمن تنادي عندهم اعيش العذاب كل يوم ولا اتطلق
لكن انا ظليت على رايي واصريت على الطلاق
اهلي جابوه وطبعا قال كلام علي وبنفس الوقت قال انه يبيني
بس انا مابيه
ابي ابدا صفحه جديده وحياه جديده حياتي بدونه ارحم بكثير من حياتي معاه
وفيه اشياء كثيرة يااخوان صارت بس مااقدر اكتبها اشياء مؤلمه جدا مازلت ابكي من اللي حصل لي معاه
كرهت نفسي وكرهت ضعفي وسلبيتي تجاه اللي سواه
كان المفروض من البدايه ماسكت على بذائة لسانه انسان متسلط مايرحم ولايحن عايشه مع جدار مش انسان
الحين انا خايفه اضعف تجاه اهلي
كل يوم يكلموني عن هالموضوع لحد مانهرت وصرت ابكي واصارخ اني ماابيه مااابيه
لكن اهلي خبروه انه يخيلوني هنا في البيت لين ماارتاح
يعني الطلاق مستحيل
ورجعتي له تعني موتي مش قادره
ابي حياه جديدة ابي اتنفس جو صافي وهاني اااااااااااااااااااااااااااااه
ساعدوني يااهل الخبرة
التعديل الأخير تم بواسطة أم داليا ; 15-10-2010 الساعة 09:18 PM
السبب: العنوان&المستجدات
12-10-2010, 12:08 PM
ضوابط المشاركة
العرض الشجري